Country : United State
Duration : 1h 32min
အညွှန်း
Horror Movieကြိုက်နှစ်သက်သူတွေအတွက် Dark Spell(2021) ဇာတ်ကားကောင်းလေး တင်ဆက်ပေးလိုက်ပါတယ်။ တစ်ချို့အမှားတွေကိုပြုပြင်ဖို့ အသက်ကိုစတေးပေးကြရတယ်တဲ့။ ဒီဇာတ်ကားလေးထဲမှာတော့ အိမ်ထောင်ရေးဖောက်ပြန်နေတဲ့ လင်ယောက်ျားဆီကအချစ်တွေကို ပြန်လည်ရယူနိုင်ဖို့အတွက် အောက်လမ်းအစီအရင်တစ်ခုပြုလုပ်ခဲ့ရာကနေ မှားယွင်းတဲ့ဖြစ်ရပ်တွေနဲ့ရင်ဆိုင်ကြုံတွေ့ရတာတွေကို ကြည့်ရှုခံစားရမှာပဲဖြစ်ပါတယ်။
ဇမ်နယာနဲ့ကီရာတို့အတွဲဟာ ငယ်ငယ်ရွယ်ရွယ်နဲ့အတူနေခဲ့ကြပြီးတော့ ပိုလီနာဆိုတဲ့သမီးလေးတစ်ယောက် ပိုင်ဆိုင်ထားကြပါတယ်။ ဒါပေမယ့် ကီရာတစ်ခြားအမျိုးသမီးတွေနဲ့ဖောက်ပြန်နေတာကို ဇမ်နယာသိသွားပါတယ်။ သူ့သမီးလေးကိုအဖေမရှိပဲ မကြီးပြင်းစေချင်တာကြောင့် ဇမ်နယာဟာအောက်လမ်းဆရာမတစ်ယောက်ဆီသွားပြီး သူ့ယောက်ျားသူ့ဆီပြန်လာအောင် အစီအရင်လုပ်ခဲ့ပါတယ်။ သူမယောက်ျားကို ပြန်ပိုင်ဆိုင်လိုက်ရပေမယ့်လည်း မထင်မှတ်ထားတဲ့ကံကြမ္မာဆိုးက သူတို့ဆီဝင်ရောက်လာပါတော့တယ်။ အစီအရင်မှားယွင်းခဲ့တာကြောင့် သူ့ယောက်ျားရော သူတို့မိသားစုအသက်အန္တရာယ်ပါ ဘယ်လိုရင်ဆိုင်ကြုံတွေ့ရမလဲ? မှားယွင်းခဲ့တဲ့အစီအရင်ကို ပြန်ပြုပြင်ဖို့ကြိုးစားရင်း ဘယ်လိုအန္တရာယ်တွေနဲ့ရင်ဆိုင်ရမလဲဆိုတာ ဆက်လက်ကြည့်ရှူပေးပါဦး ပရိသတ်ကြီးရေ
0 comments:
Post a Comment