Rating : 7.1/10

Country : United State

Genre :   Comedy, Drama, Romance

Cast :   Hugh Grant, Andie MacDowell, James Fleet

Released Date : 1994

Duration : 1h 57min 

အညွှန်း

“ပထမမင်္ဂလာဆောင်”

ကိုယ်က အနှောင်အဖွဲ့ကိုကြောက်တတ်တဲ့ လွတ်လပ်သူပေါ့။ မင်္ဂလာဆောင်အခမ်းအနားတွေနဲ့ မိတ်ဆွေဖြစ်ခဲ့ပြီး မင်္ဂလာဆောင်ခြင်းဆိုတာနဲ့ ရန်သူဖြစ်ခဲ့တာပေါ့။ ဒီမင်္ဂလာပွဲမှာ ကိုယ်မင်းကို ပထမဆုံးစတွေ့ခဲ့တယ်။ ချစ်တယ်ဆိုတာ အိပ်နေရတာလောက် မကောင်းဘူးလို့ထင်ထားတဲ့ ကိုယ်…အဲဒီနေ့မှာအချစ်ဆိုတာကို ပါးပါးလေး စတွေ့မိခဲ့တယ်။ မင်းအရမ်းလှနေတယ်။ ကိုယ်တို့ အတူ ကြည်နူးစရာညတစ်ညကိုဖြတ်သန်းခဲ့ပြီး ရိုးရိုးလေးပဲ နှစ်ဦးသဘောတူ ခွဲခွာခဲ့ကြတယ်။ ကိုယ်တို့ဘဝရဲ့ အရေးအကြီးဆုံးအရာတစ်ခု ဆုံးရှုံးသွားမှာကို သိရက်နဲ့တောင်မှပေါ့။

“ဒုတိယမင်္ဂလာဆောင်”

ဒီမင်္ဂလာဆောင်ကိုလည်း ကိုယ်နောက်ကျပြန်ပြီ။ ပြီးတော့မင်းရဲ့ သတို့သားဖြစ်မယ့် အခွင့်အရေးမှာလည်း နောက်ကျခဲ့ရပြီ။ ပြီးတော့ ဒီမင်္ဂလာဆောင်တွေကို မုန်းတတ်လာပြီ။ စိတ်ဓာတ်အကျဆုံးအချိန်မှာ မင်းနဲ့တွေ့ခဲ့ပြီး နောက်ထပ် ကြည်နူးစရာညတစ်ညရခဲ့တယ်။ ဒီလိုညမျိုး ဘယ်တော့မှမရနိုင်တော့ဘူးဆိုတဲ့ ခံစားချက်နဲ့အတူ ကိုယ်နှလုံးသားထဲမှာ ကျိတ်ငိုခဲ့ရတယ်။

“တတိယမင်္ဂလာဆောင်”

ကိုယ်အမုန်းဆုံးမင်္ဂလာဆောင်ပေါ့။ ကိုယ် မင်းကို ကိုယ့်ရဲ့ခံစားချက်တွေကို ပွင့်လင်းပြခဲ့ပေမဲ့ ဒီဖြစ်စဉ်ကြီးဖြစ်လာတာကို မတားဆီးနိုင်ခဲ့ဘူး။ ကိုယ်ချစ်တဲ့သူက တခြားသူရဲ့ရင်ခွင်ထဲမှာရှိနေတာကို ကြည့်ရတာ အချစ်အပေါ်ထားတဲ့ကိုယ့်ရဲ့ ယုံကြည်မှု ကိုယ့်နှလုံးသားလို တစ်စစီ ကြေမွသွားခဲ့တယ်။

“သေဆုံးခြင်း”

ချစ်တဲ့ သူငယ်ချင်းတစ်ယောက်ဆုံးရှုံးလိုက်ရတာ နှလုံးသားတစ်စိတ်တစ်ပိုင်း ပဲ့ကျသလိုပါပဲ။ သူ့ကို ဘယ်တော့မှမတွေ့နိုင်ဘူးဆိုတဲ့အသိနဲ့ ဝမ်းနည်းမှုမှာ အခါခါကျရှုံးရပေမဲ့ သူ့ကြောင့်ရခဲ့တဲ့ ပျော်စရာအချိန်တွေကို သတိရပြီး ကိုယ်နဲ့ သူ့ကိုခွဲလိုက်တဲ့ သေမင်းကို အနိုင်ယူလိုက်တယ်။ ဒီမှာသေမင်း မင်းသူ့ကိုခေါ်သွားလို့ရပေမဲ့ မင်း ငါတို့ရဲ့ ပျော်စရာအချိန်တွေကိုတော့ယူမသွားနိုင်ပါဘူးကွာ။

“စတုတ္ထ မင်္ဂလာဆောင်”

ကိုယ်အချစ်ကို လက်လျှော့ပြီး ကိုယ့်ရဲ့ အကြီးမားဆုံးရန်သူကို ထွေးပွေ့ဖို့ကြိုးစားမိတဲ့နေ့ပေါ့။ ဒါပေမဲ့ မင်းရောက်လာခဲ့တယ်။ ကိုယ့်ရဲ့ ပျောက်ဆုံးနေတဲ့ ယုံကြည်ချက်ကို ပြန်နှိုးဆွပြီး အချစ်ကို ပြန်ခံစားမိစေခဲ့တယ်။ အချစ်ကို ယုံကြည်လာပြီး အချစ်အတွက် သတ္တိရှိစေခဲ့တယ်။ ကိုယ် ဒီနေ့မှာ မင်းကို ကတိတောင်းတယ်။ ကိုယ့်ကို ဘယ်တော့မှလက်မထပ်ပါနဲ့လို့။ မင်းကလည်း ကတိပေးတယ် လက်မထပ်ပါဘူး။ မင်္ဂလာဆောင်ခြင်းဆိုတဲ့ရန်သူကို အဝေးပို့ပြီး ကိုယ်တို့နှစ်ယောက် ချစ်ခြင်းနဲ့ပဲ တွယ်နှောင်ထားပြီး ဘဝကို တူတူဖြတ်သန်းကြဖို့ အစပြုခဲ့တဲ့နေ့လေးပေါ့…..။Four Weddings and a Funeral (1994) ဇာတ်ကားလေးက Comedy, Drama, Romance ဇာတ်ကားလေးဖြစ်ပြီးတော့ ပြုံးနေရင်း ကြည်နူးရမယ့် ဇာတ်ကားလေးတစ်ကားဖြစ်ပါတယ်။ 

 

Read More 0 comments

Rating : 8.5/10
Country : United State
Genre :  Action, Crime, Drama
Cast : Jean Reno, Gary Oldman, Natalie Portman
Released Date : 1994
Duration : 1h 50min

1994ခုနှစ်တုန်းက ထွက်ရှိခဲ့ပြီး လူကြိုက်များခဲ့တဲ့ရုပ်ရှင်ကားဖြစ်ပါတယ်…Star Wars, Black Swan, Thor အစရှိတဲ့ဇာတ်ကားတွေထဲကမင်းသမီးချော Natali Portman ကို ဆယ်ကျော်သက်ဂျွတ်ဆတ်ဆတ် အထာလေးနဲ့တွေ့မြင်ရမှာဖြစ်ပါတယ်…ဇာတ်လမ်းပုံစံကတော့ Leon ကအရမ်းကျွမ်းကျင်ပြီး
သွေးအေးတဲ့ ကြေးစားလူသတ်သမား တစ်ယောက်ပါ။တစ်နေ့မှာ မူးယစ်ဆေးကိစ္စနဲ့ပတ်သက်ပြီး မိသားစုတစ်ခုလုံး အသတ်ခံလိုက်ရတဲ့အိမ်နီးချင်း ဆယ်ကျော်သက်ကောင်မလေး Mathilda ကို အမှတ်မထင် ကယ်တင်ပေးဖို့ဖြစ်လာခဲ့ပါတယ်။လက္တံု ့ျပန္ခ်င္တဲ့ Mathilda ေလးက Leonဆီကလူသတ်ပညာကို သင်ယူပါတော့တယ်…လူငယ်ပီပီ ပွင့်လင်းပြီး တဇွတ်ထိုးနိုင်တဲ့ Mathilda လေးကြောင့်Leon ရဲ့အေးစက်နေတဲ့ နှလုံးသားက နွေးထွေးတဲ့ချစ်ခြင်းကိုခံစားမိလာချိန်မှာတော့..ဦးလေးကြီးနဲ ဆယ်ကျော်သက်ကောင်မလေးတို့ရဲ့စုံတွဲ ခပ်ကြမ်းကြမ်း အက်ရှင်တွေသာမကသူတို့နှစ်ယောက်ကြားက စစ်မှန်တဲ့ချစ်ခြင်းမေတ္တာတရားကိုပါ ကြည့်ရှုခံစားရမှာပါ…ရသမျိုးစုံကို ပေးနိုင်တဲ့ ဇာတ်ကားကောင်းဖြစ်တဲ့အပြင်ဇာတ်လမ်းပြီးသွားချိန်ထိ ရင်ထဲမှာ တစ်ခုခုကျန်ခဲ့မှာ အသေအချာပါပဲ….

Read More 0 comments

 

Rating : 6.4/10
Country : China
Genre : Action, Adventure, Comedy 
Cast : Jet Li, Chingmy Yau, Deannie Ip 
Released Date : 1994
Duration : 1h 35min

အညွှန်း

ဒီတစ်ခါဂျက်လီရဲ့1994ကထွက်ရှိခဲ့တဲ့ရှောင်လင်ကွန်ဖူးအက်ရှင်လေးပဲဖြစ်ပါတယ်…IMDB rating 6.4…Rotten Tomataes95အထိရထားပါတယ်ဇာတ်လမ်းကဟောင်းနေပေမယ့်အခုထက်အက်ရှင်ကွက်နေတဲ့ကောင်းဆဲပါ

 

ဂျက်လီရဲ့My Father Is Heroကားထဲမှာဂျက်လီသားအဖြစ်သရုပ်ဆောင်ခဲ့တဲ့ကလေးသရုပ်ဆောင်Tes Miuဟာဒီကားမှာလည်းဂျက်လီရဲ့သားအဖြစ်ပါဝင်ထားပါတယ်ဒီကားမှာဂျက်လီဟာတော်လှန်ရေးသမားဟုန်ရှီကွမ်အဖြစ်သရုပ်ဆောင်းထားပြီဂျက်လီရဲ့ကွန်ဖူးကားတွေမှာပါဝင်နေကြတုတ်သိုင်း..ဓားသိုင်း…လက်သီးသိုင်းမျိုးမဟုတ်ပဲ

ဒီကားထဲမှာဂျက်လီဟာလှံလက်နက်ကိုအသုံးပြုထားပြီးရိုက်ထားသလိုအရင်ခေတ်တွေကဒီနေ့ခေတ်တွေမာလိုကွန်ပျူတာဖန်းတီးချက်တွေလုံးဝမပါဝင်ပါဘူး ဒီဇာတ်ကားမှာဂျက်လီဟာThe Legend of Fong Sai Yukကားထဲကလိုမင်းသားတစ်ယောက်သာမကထုတ်လုပ်ရေးအပိုင်းမှာပါ ပါဝင်ထားတာလည်းဖြစ်ပါတယ်

 

ဇာတ်လမ်းကတော့တော်လှန်ရေးသမားဟုန်ရှီကွမ်မိသားစုဟာအစိုးရရဲ့သတ်ဖြတ်မှုကိုခံခဲ့ရပြီးသားဖြစ်သူမန်းတင်ဟာအသတ်မခံရဘဲအသက်ရှင်ခဲ့ပါတယ် ဒါပေမဲ့အတွင်းလူသစ္စာဖောက်တာကြောက်စရာကောင်းတယ်ဆိုတဲ့စကားအတိုင်းအဖွဲ့ထဲကလူဖြစ်တဲ့မာလင်းရည်ဟာဟုန်ရှီကွမ်းအပေါ်အမျိုးမျိုးသစ္စာဖောက်ပြီးလုပ်ကြံသတ်ဖြတ်ပါတယ်

ဒါပမဲ့ဟုန်ရှီကွမ်းရဲ့လှံတံကြောင်သေဆုံးခဲ့ရပါတယ်ဟုန်ရှီကွမ်းသတ်ခဲ့တဲ့သစ္စဖောက်မာလင်းရည်ဟာမသေပဲအဆိပ်ဘီလူးအသွင်ပြောင်းပြီရှောင်လင်ကျောင်းတော်မှာရှိတဲ့မင့်ရတနာမြေပုံကိုရယူကြိုးစားပါတော့တယ်ဒါပေမဲ့ဟုန်ရှီကွမ်းနဲ့တွေ့ပြီးမင့်မင်းဆက်ရတနာမြေပုံကိုသစ္စဖောက်မာလင်းရည်လက်ထဲရပါ့မလားဆိုတာရှုစားကြပါဦး

ဒီကားထဲမှာကွန်ဖူးသာမကထိုက်ချိကိုလည်းအသုံးပြုထားတာတွေ့ရပြီးဂျက်လီရဲ့အက်ရှင်ကားလေးကိုရှုစားကြပါအုံးခေတ်ကာလများကြာခဲ့ပြီဖြစ်လို့ရသမျှအကောင်းဆုံးအကြည်ကိုသာတင်ဆက်ပေးထားပါတယ်

Read More 0 comments

 

Rating : 5.1/10
Country : United State

Genre : Drama, Romance, Thriller, Adult

Released Date : 1994
Duration : 1h 43min

Downdoad Link

============

Google Drive - Click

Telegram - Click (Channel ကိုအရင် join ပါ)

 

အညွှန်း

ဒီဇာတ်ကားလေးက တစ်ခြားအချိန်မှာကြည့်မယ်ဆို ရိုးရိုးတမ်းတမ်းပဲ မတ်မတ်ရဲ့အလှအပကိုပဲ သီးသန့်ခံစား၊ ဒါပေမဲ့ ဇာတ်ကွက်ကိုသိပ်ခံစားလို့မရမယ့်ကားမျိုး‌ပါ။ အဲလိုပေမဲ့ အခုတော့ ကျွန်တော်တို့ ဒီအခြေအနေကြီးနဲ့ဆိုတော့ တော်တော်ကြည့်ရကိုက်တဲ့ကားဖြစ်သွားပြီမို့လို့ပါ။ဇာတ်လမ်းအကျဉ်းကတော့ ချီလီနိုင်ငံလေးကို လောဘဇောတက်နေတဲ့ အာဏာရူးဗိုလ်ချုပ်ကြီးက အာဏာကောက်သိမ်းတဲ့အကြောင်းနဲ့စတယ်ပေါ့ဗျာ။ အဲလိုအာဏာသိမ်းတဲ့အချိန်မှာ ‌အီရင်းနဲဆိုတဲ့သတင်းထောက်မလေးကျွန်တော်တို့မတ်မတ်ရဲ့‌အမေက ဘောမကြီးလုံးလုံးပဲဆိုပါတော့ဗျာ။အဲဒီတော့ အဲလိုအခြေအနေမျိုးမှာ သတင်းထောက်မလေး အီရင်းနဲကို လီရယ်ဆိုတဲ့ ဓာတ်ပုံဆရာတစ်ဖြစ်လဲ စိတ်ပညာရှင်ဒေါက်တာလေးက အာဏာရှင်ရဲ့မကောင်းကွက်တွေကို အတူထုတ်ဖော်ဖို့ကြိုးစားကြတာကို ဒေါသအလိပ်လိပ်ထွက်လိုက်၊ မတ်မတ်ကို မြင်ပြီးစိတ်ပြန်ငြိမ်လိုက်နဲ့ကြည့်ရမယ့်ကားမျိုးပါ။ ဒီကားက သူ့အဖော်အချွတ်အလှအပခန်းတွေလည်းများလို့ မိသားစုနဲ့မကြည့်သင့်တဲ့ကားလေးပါ။ ဒါကြောင့် 1994 ခုနှစ်မှာထွက်ရှိခဲ့တဲ့ Of Love and Shadows လေးကို ဒေါသထွက်ရရင်း စိတ်လည်းပြန်လျှော့ရရင်း ခံစားကြည့်ရှုပေးလှည့်ပါဦးခင်ဗျာ။

Read More 0 comments

 

Rating : 7.6/10
Country : United State

Genre : Action, Fantasy, Thriller

Released Date : 1994
Duration : 1h 42min

Downdoad Link

============

Google Drive - 

Telegram - Click (Channel ကိုအရင် join ပါ)

 

အညွှန်း

Halloween မှာ လက်ထပ်ဖို့ စီစဉ်ထားတဲ့ စုံတွဲလေးဟာ တစ်ရက်အလိုမှာ ရက်ရက်စက်စက် အသတ်ခံလိုက်ရပါတယ်။

The Crow (ကျီးကန်း) ဟာ သေသူတွေရဲ့ ဝိဉာဉ်ကို သယ်ဆောင်ပေးတဲ့ အချိတ်အဆက်လေးပေါ့။ထူးဆန်းစွာ တစ်နှစ်ကြာအပြီးမှာ သေဆုံးသွားတဲ့ လူရွယ်ဟာ ထူးဆန်းစွာ  ပြန်လည်နိုးထလာခဲ့တယ်..နာကျဉ်းမှုတွေနဲ့နှိုးထလာခဲ့တဲ့ သူဟာ သူနဲ့ သတို့သမီးလောင်းလေးကိုသတ်ဖြတ်ခဲ့တဲ့ လူမိုက်တွေကိုလက်စားချေဖို့ကြိုးစားပါတော့တယ်…he Crow ဆိုတဲ့ အက်ရှင်ကားဟာ Bruce Lee ရဲ့ သား Brandon Lee မကြွေလွင့်ခင်ရိုက်ခဲ့တဲ့ နောက်ဆုံး ကားလေးပေါ့။ ဒီကား‌လေး ရုံတင်ဖို့ ရက်အနည်းငယ် အလိုမှာပဲ Brandon Lee ဟာ သေဆုံးသွားခဲ့တာပါ။1994 တုန်းက အင်မတန် နာမည်ကြီးခဲ့တဲ့ ဇာတ်ကားလေး။အက်ရှင်ကားကြိုက်သူတို့လက်မလွှတ်သင့်ပါကြောင်း

Read More 0 comments

Rating : 5.9/10
Country : United State
Genre : Action, Crime, Sci-Fi
Cast : Jean-Claude Van Damme, Mia Sara, Ron Silver          
Released Date : 1994
Duration : 1h 39min

 TIMECOP ဇာတ်ကားသည်ဂျင်ကလေ့ာဒ်ဗန်ဒမ်းရဲ့သိပ္ပံဇာတ်ကားကောင်းတွေထဲကတစ်ကားဖြစ်တဲ့အပြင် သူ့ရဲ့ထာဝရအကောင်းဆုံးဆယ်ကားထဲမှာလည်းပါဝင်ခဲ့ပါတယ်။ ဇာတ်လမ်းအကျဉ်းကတော့… ရဲဝန်ထမ်းတစ်ယောက်ဖြစ်တဲ့ မက်စ်ဝေါ်ကာဟာ “အချိန်ထိန်းချုပ်ခြင်းစစ်ဆင်ရေး(T.E.C) ဖြစ်တဲ့အေဂျင်စီမှအေးဂျင့်အဖြစ်တာဝန်ထမ်းဆောင်ဖို့ကမ်းလှမ်းခြင်းခံခဲ့ရပါတယ်။အဲဒီညမှာပဲ အမည်မသိလူတစ်စုရဲ့ချောင်းမြောင်းတိုက်ခိုက်ခြင်းခံရပြီး ဇနီးသည်အသက်ဆုံးရှုံးခဲ့ရပါတယ်။နိုင်ငံရေးသမားဖြစ်တဲ့ မက်ကွန်း(ဘ်)ဆိုသူရဲ့ထိန်းချုပ်မှုအောက်မှာရှိနေတဲ့ T.E.C အေဂျင်စီမှာ သူဟာနာမည်ရတဲ့အေးဂျင့်တစ်ယောက်ဖြစ်လာခဲ့ပါတယ်။မက်ကွန်း(ဘ်)ဆိုသူဟာ T.E.Cအေဂျင်စီကိုအသုံးချပြီးနိုင်ငံရေးအကျိုးအမြတ်ထုတ်နေတာအား ဝေါ်ကာမှသိရှိသွားခဲ့ပါတယ်။ထို့နောက် မက်ကွန်း(ဘ်)နောက်စုံစမ်းစစ်ဆေးဖို့လိုက်ရင်းနဲ့ လွန်ခဲ့တဲ့၁၀နှစ်က သူ့မိန်းမအသတ်ခံရမှုမှာ မက်ကွန်း(ဘ်)သည်အဓိကတရားခံဖြစ်တယ်ဆိုတာ ထပ်မံသိရှိခဲ့ပြီးတဲ့နောက် ဝေါ်ကာတစ်ယောက် အချိန်နောက်ပြန်ခရီးသွားခြင်းနဲ့ သူ့မိန်းမအတွက် မက်ကွန်း(ဘ်)အားဘယ်လိုလက်စားပြန်ချေမလဲ သူ့မိန်းမကိုကောပြန်ကယ်တင်နိုင်မလားဆိုတာတွေတော့

Read More 0 comments

Rating : 6.9/10
Country : United State
Genre : Comedy
Cast : Jim Carrey, Courteney Cox, Sean Young
Released Date : 1994
Duration : 1h 26min

အညွှန်

The mask ဇာတ်ကားနဲ့သိကြတဲ့ ဟာသမင်းသားကြီး jim carry ရဲ့ ဟာသကားကောင်းလေးပါ Ace venture လို့ခေါ်တဲ့ တိရိစ္ဆာန်ပျောက်ဆုံးမှု့တွေကိုပဲ သီးသန့်လိုက်စုံစမ်းပေးတဲ့ လူတစ်ယောက် စုံစမ်းထောက်လှမ်းရာမှာတော်သော်လည်း ပြောင်ချော်ချော် မျက်နှာပေးကြောင့် လူတွေသိပ်ကြည့်မရတဲ့လူတစ်ယောက် ပမာမခန့်လုပ်ရပ်တွေနဲ့ ဒုရဲအုပ်လိုလူမျိုးကိုတောင် ပြန်လှောင်ရဲတဲ့လူတစ်ယောက် အဲ့လိုလူတစ်ယောက် ဘောလုံးအသင်းရဲ့ လာဘ်ကောင် လင်းပိုင်ပျောက်ဆုံးမှု့ကို လိုက်လံ စုံစမ်းသောအခါ လူသတ်မှု့၊ မိန်းမချော ၊ မထင်မှတ်ထားတဲ့တရားခံ စတဲ့ အလှည့်အပြောင်းများစွာနဲ့ ဇာတ်ကားဆုံးသည်အထိ ရယ်မောရင်း ခံစားသွားရမယ့် စုံထောက်ဟာသကားကောင်းလေးပါ မိသားစုနဲ့အတူ ပျော်ရွှင်စွာ ကြည့်ရှု့လိုက်ပါဦး။ IMDB rating 6.9 အထိ ရထားတဲ့ ဇာတ်ကားပါ။

Read More 0 comments

Rating : 8.1/10
Country : United State
Genre : Drama, Mystery, Romance 
Cast :  Irène Jacob, Jean-Louis Trintignant, Frédérique Feder
Released Date : 1994
Duration : 1h 39min 

အချျိန်ပိုင်းမော်ဒယ်ကောင်မလေး ဗယ်လယ်တိုင်းဟာမော်ဒယ်ဒိုင်အဖြစ်လုပ်ကိုင်ခဲ့ဖူးတဲ့လူနဲ့အိမ်နီးနားချင်းအဖြစ်ကနေစတင်ရင်းနှီးလာပါတော့တယ်အဲ့နောက်မှာတော့မော်ဒယ်ဒိုင်ဟောင်းကနေခွေးလေးကိုလက်ဆောင်ပေးလိုက်တဲ့အခါမှာတော့ဗယ်လယ်တိုင်းရဲ့ရည်းစားဟာသဝန်တိုပြီးအတင်းပြန်ပေးခိုင်းခဲ့ပါတယ်
ဗယ်လယ်တိုင်းဟာခွေးကိုပြန်ပေးဖို့ထိုသူရဲ့အိမ်ကိုသွားတဲ့အခါမှာတော့အိမ်နီးနားချင်းတွေဖုန်းပြောတာကိုခိုးနားထောင်နေတဲ့မော်ဒယ်ဒိုင်ဟောင်းနဲ့ပက်ပင်းတိုးပါတော့တယ်ဗယ်လယ်တိုင်းဟာဒေါသထွက်ပြီးစကားနိုင်လုပြောရင်းခပ်ကြောင်ကြောင်သံယောဇဉ်တစ်ခုကိုအတူရှာတွေ့သွားတဲ့အခါမှာတော့…

Read More 0 comments

 

 

Rating : 6.3/10
Country : United State

Genre : Horror, Mystery

Released Date : 2021
Duration : 1h 47min

အညွှန်း

အရမ်းမိုက်တဲ့ Netflix horror ဇာတ်ကားလေးဖြစ်ပါတယ်။
ဒီဇာတ်ကားဟာ R.L. Stine ရဲ့ Best-Selling Fear Street Book Series ကို အခြေခံရိုက်ကူးထားတာဖြစ်ပြီး။

Part -1(1994), Part – 2(1978), Part -3(1666) ဆိုပြီး ၃ကားတွဲ တစ်ပတ်ခြားစီဆက်တိုက်ထွက်

လာမယ့် Trilogy Event လည်းဖြစ်ပါတယ်

ဇာတ်လမ်းကတော့… ၁၉၉၄ ခုနှစ် အမေရိကန်နိုင်ငံမှာ ဆန်နီဗေးလ်နဲ့ ရှိတ်ဒီဆိုဒ်လို့ အမည်ရတဲ့  ဘေးချင်းကပ်မြို့

နှစ်မြို့ရှိကြတယ်… ထူးခြားတာက ဆန်နီဗေးလ်ဟာ သာယာဝပြောပြီး စီးပွားဖြစ်သလောက် ရှိတ်ဒီဆိုဒ်ကတော့

စုတ်ပြတ်နုံချာနေပြီး လူသတ်မှုတွေလည်းခဏခဏဖြစ်လေ့ရှိတာပါပဲ…

ဒီနာနဲ့ ဆမ်က ရှိတ်ဒီဆိုဒ်မြို့ခံ ချစ်သူစုံတွဲလေးပေါ့၊ ဆမ်က ဆန်နီဗေးလ်ကိုပြောင်းသွားတဲ့ကိစ္စနဲ့ သူတို့ လမ်းခွဲစကြရာက

မမျှော်လင့်ထားတဲ့ဖြစ်ရပ်တစ်ခုဖြစ်ပြီး သူတို့နောက်ကို လူသတ်သမားတွေလိုက်လာတဲ့အခါမှာတော့…

သူတို့မြို့လေး တကယ်ပဲကျိန်စာသင့်နေတာလားဆိုတာ ကြည့်ရှူခံစားရမှာဖြစ်ပါတယ်။

တော်တော်လေးကို ဇာတ်ရှိန်မြင့်ပြီးကြည့်လို့ကောင်းပါတယ်။

Read More 0 comments

 

Rating : 6.5/10
Country : United State

Genre : Fantasy, Horror, Mystery

Released Date : 1994
Duration : 1h 52min

Downdoad Link

============

Google Drive - Click

Telegram - Click (Channel ကိုအရင် join ပါ)

 

အညွှန်း

လောကကြီးထဲမှာ ဟိုးရှေးခေတ်ကတည်းကစပြီး ဘုရားသခင်ရဲ့ဖန်ဆင်းမှုတွေထဲမှာ ရောပြီးပါဝင်လာတဲ့ မကောင်းဆိုးဝါးဆိုတာ ရှိပါတယ်တဲ့။ သူက ခေတ်အမျိုးမျိုးမှာ ပုံစံအမျိုးမျိုးနဲ့ အပြစ်မဲ့သူတွေကို သတ်ဖြတ်လာခဲ့ပါသတဲ့။လူတွေက စိတ်ကူးစိတ်သန်းတွေထုတ်ပြီး ဇာတ်လမ်းတွေ ပုံပြင်တွေ ရေးဖြစ်တဲ့အချိန်မှာတော့ စာရေးဆရာတွေရဲ့ စိတ်ကူးဉာဏ်က မကောင်းဆိုးဝါးကို ဖမ်းယူပြီး ဇာတ်လမ်းထဲမှာ ထည့်ပိတ်လိုက်မိတယ်ဆိုပဲ။ ဇာတ်လမ်းမပြီးသေးသရွေ့တော့ မကောင်းဆိုးဝါးဟာ ဇာတ်လမ်းထဲမှာပဲ ပိတ်မိနေတာပေါ့။ ဇာတ်လမ်းပြီးသွားတဲ့အခါမှာတော့ မကောင်းဆိုဝါးက ပုံစံအသစ်နဲ့ပဲဖြစ်ဖြစ် ပုံစံအဟောင်းနဲ့ပဲဖြစ်ဖြစ် လောကကမ္ဘာအစစ်ထဲကို လွတ်မြောက်လာပါရောတဲ့။

အခု Elm လမ်းပေါ်က အိပ်မက်ဆိုးဇာတ်ကားတွေထဲမှာ Freddy အဖြစ် ပိတ်မိနေတဲ့ မကောင်းဆိုးဝါးကြီးက Part 6 The Final Nightmare အပြီး ဇာတ်လမ်းအပြီးသတ်သွားတာကြောင့် လူ့လောကကို ထိုးဖောက်ဝင်လာဖို့ ကြိုးစားတဲ့အချိန်ပေါ့။ Freddy ကို အသက်သွင်းခဲ့တဲ့ ဇာတ်ညွှန်းရေးဆရာတစ်ယောက်ရယ်၊ သူ့ကို ပထမဆုံး အနိုင်ယူခဲ့တဲ့ Nancy အဖြစ် သရုပ်ဆောင်ခဲ့တဲ့ မင်းသမီးလေး Heather ရယ် သူမရဲ့သားလေး Dylan ရယ်ဆီကို Freddy အမည်ခံ မကောင်းဆိုးဝါးကြီး ရောက်ရှိလာပြီး ပြင်ပကမ္ဘာကို ထွက်လာဖို့ ကြိုးပမ်းချိန်မှာတော့ ဟောဒီ Part 6 The New Nightmare ဇာတ်ကားကြီး ဖြစ်ပေါ်လာပါတယ်။ကျွန်တော်တို့မြင်နေကြ Freddy ဟာ ပုံစံသစ် လက်သည်းအသစ်နဲ့ ရှယ်ကြမ်းပလန်ဝယ်ပြီး ဝုန်းတာကို တစ်ဝကြီး ကြည့်ရှုရမှာပါ။ စကားမစပ် အသက်ဆယ်နှစ်ကြီးသွားပြီဖြစ်တဲ့ Nancy လေးကို ပြည့်ဖူးနုရွတဲ့ အမျိုးသမီးတစ်ယောက်အဖြစ် ရှုစားရပါမယ်။ သူမ ဘယ်လောက်ထိ လှလာလဲဆိုတာတော့ ဒေါင်းမျိုးလို့ ပြောနိုင်လောက်တဲ့ထိကို လှလာတာပါနော်။ ကြည့်ရှုခံစားလိုက်ကြပါဦး။

Read More 0 comments

Rating : 4.0/10

Country : United state

Genre :   Action, Adventure, Comedy

Cast :  Jean-Claude Van Damme, Raul Julia, Ming-Na Wen

Released Date : 1994

Duration :  1h 4min 

အညွှန်း

ပရိတ်သတ်ကြီးအတွက် ဂျွန်ကလော့ဒ်ဗန်ဒမ်းရဲ့ Street Fighter ဆိုတဲ့ Action/Thriller/Sci-Fi အမျိုးအစား ဇာတ်ကားကောင်းလေးကိုတင်ဆက်ပေးလိုက်ပါတယ်ခင်ဗျာ

ဒီကားထဲမှာ ဗန်ဒမ်းကို A.N တပ်မှူးကြီး အက်ဖ်ဝီလီယံဂိုင်လ် အဖြစ်မြင်တွေရမှာဖြစ်ပြီး အခြားဇာတ်ဆောင်တွေများစွာလည်း ပါဝင်အားဖြည့်ထားပါတယ်

ဇာတ်လမ်းအကျဉ်းလေးကတော့ ကယ်ဆယ်ရေးလုပ်သား ၆၃ ယောက်ကို ပြန်ပေးဆွဲပြီး ပြန်ရွေးငွေ “ဒေါ်လာ ၂၀ ဘီလီယံ” တောင်းဆိုထားတဲ့ အာဏာရူးဗိုလ်ချုပ်အမ်ဘိုင်ဆန် လက်ကနေ ဒီဓားစားခံတွေကို ဗိုလ်မှူးကြီးဂိုင်လ်နဲ့ အဖွဲ့သားတွေ ဘယ်လိုလက်တွဲညီညီကယ်ဆယ်ကြမလဲဆိုတာကိ​ု ကြည့်ရှုခံစားလိုက်ကြပါစို့

 

Read More 0 comments

Rating : 8.5/10
Country : United State
Genre :  Animation, Adventure, Drama 
Cast : Rowan Atkinson, Matthew Broderick, Niketa Calame-Harris
Released Date : 1994
Duration : 1h 28min

ဝေါ့ဒစ်စနေးရဲ့ မာစတာပိစ် တစ်ခုလာပါပြီဗျာ။ ကလေးတုန်းကတည်းက အသဲစွဲ ကာတွန်းလေးပါ။ IMDb 8.5 ရထားပါတယ်။ ဇာတ်လမ်းအကျဉ်းမှာတော့ တောဘုရင်ခြင်္သေကြီး မူဖာဆာ မှာ စင်ဘာဆိုတဲ့ သားလေးမွေးဖွားလာပြီး သူ့နေရာကို တစ်နေဆက်ခံခွင့်ပေးဖို့ လျာထားခဲ့ပါတယ်။ အဲဒါကို မကျေနပ်တဲ့ စင်ဘာရဲ့ ဦးလေး မူဖာဆာရဲ့ ညီက ခွေးအတွေနဲ့ ပေါင်းပြီး မူဖာဆာကို လုပ်ကြံပြီး စင်ဘာလေး
ကို သူ့အပြစ်လို့ထင်အောင်လုပ်ပြီးအဝေးကြီးကို ထွက်သွားစေခဲ့ပါတယ်။ အဲဒီနောက်မှာ ခွေးအတွေကို ခြင်္သေ့တွေနဲ့ပေါင်းနေစေပြီး တောအုပ်ကြီးတစ်ခုလုံး ဒုက္ခရောက်နေတဲ့အချိန်မှာ အကူညီရှာဖို့ထွက်လာတဲ့ ခြင်္သေမငယ်သူငယ်ချင်းနဲ့ အတိတ်ကနေ ထွက်ပြေးနေတဲ့ စင်ဘာတွေ့ ပြန်တွေ့ကြတဲ့အခါမှာ……

Read More 0 comments

Rating : 7.2/10
Country : China
Genre :  Action, Drama
Cast : Brigitte Lin, Maggie Cheung, Leslie Cheung 
Released Date : 1994
Duration : 1h 40min

အညွှန်း

ခမ်းနားကြီးကျယ်မှုတွေဟာလည်း အချိန်ကာလရဲ့ တိုက်စားမှုတွေထဲ လွင့်ပျောက်ပျက်ပြယ်ကြရတာပါပဲ။

အချိန်စီးကြောင်းတွေကြား လွင့်မျောပျက်ပြယ်နေကြတဲ့ ပြာမှုန်တွေထဲ အခမ်းနားဆုံးလူသားတွေလည်းမလွတ်ကင်းခဲ့ပါဘူး။ ဒီရုပ်ရှင်မှာ တရုတ်ပြည်ရဲ့ နာမည်ကျော် Art House Directors ဝေါင်ကာဝေးဟာလွင့်ပြယ်ခဲ့ပြီးသား နာမည်ကျော်တွေရဲ့ အတိတ်ဆီ ကျွန်တော်တို့ကို ပြန်ခေါ်သွားမှာပါ။ ကျင်းယုံရဲ့ သူရဲကောင်းတို့ရဲ့ဒဏ္ဍာရီ ဝါမက်မွန်မြေကချစ်တေးတစ်ပုဒ်လို့ လူသိများတဲ့ The Legend of the Condor Heroesကဇာတ်ကောင်တွေကို ကျောရိုးယူထားတဲ့အတွက် မကြည့်ရသေးခင်ကတည်းက ရင်းနှီးနေမှာပါပဲ။ ဒီရုပ်ရှင်ဟာTimelineအရတော့ တိမ်လွှာနဂါးသူရဲကောင်းများနဲ့ သူရဲကောင်းတို့ရဲ့ ဒဏ္ဍာရီတို့ကြား မရှေးမနှောင်းကာလလောက်မှာပါ။ သူရဲကောင်းတို့ရဲ့ ဒဏ္ဍာရီမှာ ပြောပဲပြောပြီးမပြခဲ့တဲ့ လက်ကိုးချောင်းသူ‌ဖုန်းစားဂိုဏ်းချုပ်ဟုန်ချီကုန်းရဲ့  လက်တစ်ချောင်းပြတ်ခဲ့ရတဲ့အကြောင်း၊ဓားမကိုင်ရတဲ့ အကြောင်း၊အိုးရန်ဖုန်နဲ့ သူ့မရီးကြားကဖြစ်ရပ်၊ ဟွမ် မက်မွန်ကျွန်းသခင်ဟွမ် မက်မွန်ကျွန်းသခင် ဖြစ်လာရတဲ့အကြောင်းအရင်းတို့ကို။ရိုက်ပြသွားပါတယ်။အရှေ့ပိုင်းထိပ်သီး မက်မွန်ကျွန်းသခင်ဟွမ် အနောက်ပိုင်းထိပ်သီး အဆိပ်ဘုရင် အိုးရန်ုဖုန်း မြောက်ပိုင်းထိပ်သီးသူတောင်းစားဂိုဏ်ချုပ် ဟုန်ချီကုန်း တို့ရဲ့ ဆက်ဆံရေးကို အနုပညာအမြောက်ဆုံး တင်ဆက်သွားပါသေးတယ်။မုယုံယင် ဝါ မုယုံယန်ကနေ တုကူးချိုပိုက်အဖြစ် ပြောင်းသွားတဲ့ ပြိုင်ဘက်မရှိတော့လို့ ငြီးငွေ့နေတဲ့ ရန်ကော်ရဲ့ဓားနဲ့သိမ်းငှက်ပိုင်ရှင် တုကူးချိုပိုက်ရဲ့ Originကလည်း အတော်စိတ်၀င်စားစရာပါ။ ဒီရုပ်ရှင်ဟာ အိုးရန်ဖုန်းကိုအ‌ခြေပြုပြီးကျန်တဲ့ထိပ်သီးတွေအကြောင်းကို Act5ခုခွဲပြီးပြသွားပေမယ့်လို့‌ ဒီထဲက သိုင်းအကျော်အမော်ကြီးတွေအားလုံးဟာကျွန်တော်တို့သိဖူးတဲ့ သူတို့အကြောင်းတွေလို ပြိုင်ဘက်ကင်းဖြစ်နေတဲ့ အချိန်မှာမဟုတ်ပါဘူး။ကစဉ့်ကလျားဘ၀ကို သူတို့ဘာသာပြန်တည်ဆောက်နေကြတဲ့ ဝါနုသိုင်းသမားပေါက်စလေးတွေဖြစ်နေတဲ့ အချိန်မှာပါ။ဒီထဲက ဟုန်ချီကုန်းဆို ချောင်ဖုန်းနဲ့တောင် မတွေ့ရသေးသလို သူတောင်းစားဂိုဏ်၀င်လည်းမဟုတ်သေးပါဘူး။တုကူးချိုပိုက် ကျော်ကြားပြီး နှစ်နည်းနည်းခြားပြီးမှ သူတို့ကထိပ်သီးတွေဖြစ်လာတဲ့အတွက် ဒီရုပ်ရှင်ကနေဆိုသူတို့လမ်းအရှည်ကြီးလျှောက်ကြရဦးမှာပါ။တိုနီလောင်ချုဝေရဲ့ ဇာတ်ကောင် မျက်မမြင်သိုင်းသမားကတော့ ကျင်းယုံဇာတ်လမ်းတွေမှာ မပါဘူးထင်ပါတယ်။ သတိမထားမိတာလည်းဖြစ်ချင်ဖြစ်ပါမယ်။ သို့ပေမယ့် ဒီဇာတ်‌ကောင်ကအထူးခြားဆုံးဇာတ်ကောင်ပါပဲ။ တစ်ချို့သူတွေကတော့မခမ်းနားသေးခင်မှာပဲ အချိန်ကာလထဲပျက်ပြယ် ကြရတာပဲမဟုတ်လား။Ashes of Timeဟာ ဝေါင်ကာဝေး ရုပ်ရှင်ပီသစွာပဲ ဒိုင်ယာလော့ပိုင်းနဲ့ ရုပ်ရှင်ဓာတ်ပုံပညာအပိုင်းမှာ အတော်လေးလှပပါတယ်။ တရုတ်ရုပ်ရှင်ဆုပေးပွဲမှာ အကောင်းဆုံးဒါရိုက်တာဆုနဲ့ ရုပ်ရှင်ဓာတ်ပုံပညာဆု‌တွေကိုလည်း ရထားပါတယ်။Ashes of Timeဟာ လှပတယ် စိတ္တဇဆန်တယ် လျှို့ဝှက်ချက်များတယ်။ ကန္တာရထဲမှာ လောင်ကျွမ်းနေကြတဲ့သူတွေရှိတယ်။ဆန္ဒထဲမှာ လောင်ကျွမ်းနေကြတဲ့သူတွေရှိတယ်။ သူတို့က ဘာမဟုတ်ခဲ့ကြတဲ့ လူသားကလေးတွေပါပဲ။ သူတို့က ဒဏ္ဍာရီတွေလည်း ဖြစ်ခဲ့ကြတယ်။

Read More 0 comments

Rating : 7.7/10
Country : United State
Genre :   Comedy, Drama, Romance 
Cast : Zbigniew Zamachowski, Julie Delpy, Janusz Gajos 
Released Date : 1994
Duration : 1h 32min 

ပြင်သစ်စကားမတတ်တဲ့ ကာရိုလ်ဆိုတဲ့ကောင်လေးနဲ့ဒိုမနစ်လို့ခေါ်တဲ့ပြင်သစ်ကောင်မလေး ချစ်ကြိုက်မိကာလက်ထပ်ကြဖို့အကြောင်းဖန်လာပါတယ်အလုပ်မရှိ လူရာမဝင် စကားသေချာမပြောတတ်တဲ့ ကာရိုလ်နဲ့ရေရှည်မဖြစ်မှန်းသိတဲ့အခါမှာတော့ လက်ထပ်ပြီးခြောက်လအကြာမှာပဲ
ကွာရှင်းဖို့ဖြစ်လာပါတယ်ကောင်လေးကိုတရားရုံးကဖြေရှင်းပေးပေမယ့် စကားမတတ် ရှေ့နေမရှိတော့ အမှုရှုံးပြီးကိုယ့်ဌာနေကိုယ်ပြန်ခဲ့ရပါတယ်ဒီလိုနဲ့ သူကြိုးစားပြီး အရမ်းချမ်းသာလာတဲ့တနေ့မှာကောင်မလေးကိုဘယ်လိုပြန်ဆက်ဆံမလဲဆိုတာ…File Size : (1gb) and (600 MB)

Read More 0 comments

Rating : 8.8/10
Country : United State
Genre :  Drama, Romance
Cast : Tom Hanks, Rebecca Williams, Sally Field
Released Date : 1994
Duration :  2h 22min

ခံစားတတ်တဲ့ နှလုံးသားရှိသူတိုင်း ဒီရုပ်ရှင်ကိုကြိုက်ကြပါတယ်။
ကျွန်တော့်အတွက်တော့ ကြည့်ခဲ့ဖူးသမျှ ရုပ်ရှင်တွေထဲမှာ အကြိုက်ဆုံးဇာတ်ကားပါ။
ကမ္ဘာပေါ်မှာ အကြည့်သင့်ဆုံးဇာတ်ကားတွေထဲမှာ ပါပါတယ်။
အကြိုက်ဆုံးမင်းသားကိုလဲ Tom Hanks ဖြစ်သွားအောင် ဒီဇာတ်ကားကဆွဲဆောင်နိုင်ခဲ့ပါတယ်။
အချစ်၊ဟာသ၊ စစ်ပွဲ၊ အက်ရှင်၊ အလွမ်း၊ အစုံ ပါဝင်တာ ဒီကားတစ်ကားပဲ ရှိတယ်လို့တောင် ပြောလို့ရပါတယ်။Winston Groom ရဲ့ Novel ကိုအခြေခံလို့ Eric Roth ဇာတ်ညွှန်းရေးကာ ဒါရိုက်တာ Robert Zemeckis ရိုက်ကူးခဲ့တဲ့ ဒီကားဟာ အော်စကာ Best picture, Best director, Best actor, Best adapted screenplay, Best visual effects, Best editing ဆုတွေရရှိခဲ့တဲ့ဇာတ်ကားဖြစ်ပါတယ်။ မင်းသား Tom Hanks အတွက်တော့ ရှားရှားပါးပါး နှစ်နှစ်ဆက်(Philadelphia, Forrest Gump) အော်စကာရရှိစေခဲ့တာပါ။ Tom Hanks အပြင် Robin Wright, Gary sinise, Mykelti Williamson, Sally Field တို့ပါဝင်ပါတယ်။ Tom Hanks ဟာ Forrest Gump အဖြစ်ပီပီပြင်ပြင်သရုပ်ဆောင်နိုင်ဖို့ Forrest ကလေးဘဝကိုသရုပ်ဆောင်ခဲ့တဲ့ ကောင်လေးရဲ့ စကားပြောဟန်တွေ၊ အမူအရာတွေကိုတုပသင်ယူခဲ့ရပါတယ်။ အဲ့ကောင်လေးက Tom Hanks အော်စကာနှစ်နှစ်ဆက်ရရှိစေတဲ့အကြောင်းရင်းတစ်ရပ်ဆိုလည်းမမှားပါဘူး။ဒီကားမှာ visual effects တွေကလည်း အံ့ချီးလောက်စရာပါ။ ဒီကားမှာ Forrest Gump ရဲ့ဘဝဖြစ်စဉ်တွေကို ၂၀ရာစုနှောင်းပိုင်း အမေရိကန်ရဲ့ကျော်ကြားတဲ့အဖြစ်အပျက်တွေနဲ့ချိတ်ဆက်ပေးထားတာမို့ အမေရိကန် အထင်ကရ ပုဂ္ဂိုလ်ကြီးတွေနဲ့ Forrest တို့တွေ့ဆုံတဲ့အခန်းတွေပါဝင်ပါတယ်။ အဲဒီအခန်းတွေက တကယ့်သတင်းရုပ်ရှင်တွေမှာ Tom Hanks ရဲ့ရုပ်ပုံတွေကို နည်းပညာသုံးပြီးထည့်သွင်းထားခဲ့တာပါ။ John Lennon, John F.Kennedy, Richard Nixon တို့နဲ့ Forrest တို့စကားစမြည်ပြောတာတွေ၊ လက်ဆွဲနှုတ်ဆက်တာတွေကို အံ့အားသင့်ဖွယ်တွေ့ရပါလိမ့်မယ်။ နောက် Lieutenant Dan ရဲ့ ခြေပြတ်ကြီးကလည်း ပီပြင်လွန်းလှတယ်။ Robert Zemeckis ကတော့သူရိုက်တဲ့ကားတိုင်းလိုလို Special effects တွေလှိုင်လှိုင်ကြီးသုံးတတ်သူပါ။ Motion-capture နည်းပညာသုံးတဲ့ Animation ဇာတ်ကားတွေကိုလည်းစတင်ပြီးတွင်တွင်ကျယ်ကျယ်ရိုက်ကူးခဲ့သူပါ။ The polar express, Beowulf, A christmas carol စတာတွေပေါ့။
Forrest Gump ဇာတ်ကားကိုကြိုက်ရခြင်းအကြောင်းတွေမှာ ရုပ်ရှင်တစ်ကားရဲ့ကောင်းခြင်းအဖြာဖြာနဲ့ပြည့်စုံတဲ့အကြောင်းအပြင် Forrest Gump ဆိုတဲ့ Character ကိုလည်းစိတ်ဝင်စားမိလို့ပါ။ Tom Hanks ကအင်တာဗျူးတစ်ခုမှာပြောခဲ့သလို Forrest ရဲ့ခေါင်းထဲမှာ သူ့အမေနဲ့ Jenny တို့ပဲရှိတယ်။ အမုန်းတရားတွေ၊ သူ့အပေါ်မကောင်းကြံတာတွေ၊ မလိုမုန်းထားတာတွေကို သူ့မှာခွဲခြားသိနိုင်တဲ့ ဉာဏ်ရည်မရှိဘူး။ ဒါ့ကြောင့် သူ့ဘဝဟာပကတိအေးချမ်းလှတယ်လို့ ထင်မိပါတယ်။ သူသိတာ သူ့အမေကိုဂရုစိုက်မယ်၊ သူငယ်ချင်းတွေအပေါ်ကောင်းမယ်၊ Jenny ကိုချစ်မယ်။ ဒါပဲ။
အရမ်းကိုရိုးရှင်းဖြူ စင်တဲ့ ဘဝတစ်ခုကို မီးမောင်းထိုးပြထားတာပါ။ဇာတ်ကားထဲမှာ အဓိကပေးချင်တဲ့ Main Theme Dialogue ကိုလဲသဘောကျမိပါတယ်။
” ကျွန်တော်တို့ရဲ့ဘဝတွေဟာ ဘယ်အချိန်ဘာဖြစ်မယ်လို့တိတိကျကျသတ်မှတ်ပြီးသားလား၊ ဒါမှမဟုတ် ရည်ရွယ်ရာမရှိဘဲ လေယူရာတိမ်းနေရတာလား၊ နှစ်မျိုးလုံးတစ်ပြိုင်တည်းဖြစ်နေတာလား…..ကျွန်တော်တော့ စဉ်းစားလို့ဉာဏ်မမီပါ။ ဘယ်လိုမျိုးပဲဖြစ်ဖြစ် သေချာတာကတော့ ကျွန်တော်တို့မှာစီရင်ပိုင်ခွင့်မရှိတာပါပဲ။”ဇာတ်ကားရဲ့ အဖွင့်ခန်းနဲ့အပိတ်ခန်းမှာ ငှက်တောင်မွှေးလေးကိုထည့်သွင်းထားပါတယ်။ ငှက်တောင်မွှေးလေးဟာ လေအဝှေ့မှာ မိုးပေါ်ထိုးတက်သွားတယ်။ လေအငြိမ်မှာပြန်ကျလာတယ်။ မြေပြင်နဲ့ထိတော့မယ့်ဆဲဆဲ ဘေးကကားတစ်စီးရဲ့အဟုန်နဲ့ အထက်ကိုပြန်တက်သွားတယ်။ တစ်ချိန်ချိန်မှာတော့ ငှက်တောင်မွှေးလေးပြန်ကျလာလိမ့်ဦးမယ်။ အဲဒါပြီးရင်တော့ ပြန်တက်သွားဦးမယ်။ သြော်…….လေယူရာတိမ်းနေရရှာတဲ့ ငှက်တောင်မွှေးလေး………။IMDb Rating (8.8/10)  Rotten Tomatoes (72%) ရရှိထားပြီး
ကြည့်ကိုကြည့်ရမယ့် တကယ့် ဂန္ထဝင်ဇာတ်ကားပါ။

Read More 0 comments

Rating : 7.8/10

Country : India 

Genre :   Comedy, Drama, Music 

Cast :  Shah Rukh Khan, Suchitra Krishnamoorthi, Deepak Tijori

Released Date : 1994

Duration :  2h 38min 

အညွှန်း

ကိုယ့်ဆန္ဒအတိုင်းသာဆိုဟောဒီအိပ်မက်ထဲကလုံးဝကိုမနိုးထချင်တော့ပါဘူး““ကြယ်တွေကြွေတိုင်းဘုရားထံတောင်းတဲ့ဆုကမင်းအချစ်ရရှိဖို့ပါ“ဟောဒီလောကမှာသူရဲကောင်းတွေရဲ့အချစ်ဇာတ်လမ်းတွေကို

ဘယ်လောက်ထိတောင်ကြားသိဖူးပြီးသွားပြီလဲအရှုံးသမားတွေရဲ့အချစ်ဇာတ်လမ်းတွေရောသိကြရဲ့လားတဖွဲ့တနွဲ့ရေးတဲ့သူတွေရောရှိပါ့မလားလောကမှာဟီးရိုးတွေအတွက်သာခမ်းနားတဲ့အချစ်ဇာတ်ရှိပြီးဇီးရိုးတွေအတွက်ရောရှိပါ့မလားဘယ်သူကရောရေးဖွဲ့လို့ဘယ်သူကရောအချိန်ပေးဖတ်ရှု့မှာလဲအခုဇာတ်လမ်းလေးကလည်းဒီလိုပါပဲအရှင်းဆုံးပြောရရင်ဇီးရိုးတစ်ယောက်ရဲ့အချစ်ဇာတ်လမ်းပေါ့ဘယ်လောက်ဇီးရိုးကျလဲဆိုရင်မိသားစုထဲမှာမျက်နှာကောင်းမရအပေါင်းသင်းကြားထဲမှာမျက်နှာငယ်ကိုယ်ချစ်တဲ့မိန်းကလေးရှေ့မှာခေါင်းမမော့နိုင်တဲ့သူတစ်ယောက်အကြောင်းသူ့နာမည်ကတော့ဆူနီးလ်တဲ့ဟုတ်ပါတယ်အလုပ်အကိုင်မယ်မယ်ရရမရှိပညာရေးကျတော့လည်းစာမေးပွဲ၃နှစ်ဆက်တိုက်ကျဆိုတဲ့ဂုဏ်နဲ့ဘာထူးခြားတာများရှိလဲအများနဲ့မတူထူးခြားတာဆိုလို့တေးဂီတဆူနီးလ်ဟာတေးဂီတပိုင်းမှာတော့ပါရမီရှိသူတစ်ဦးဒါပေမဲ့ဖြစ်ဖြစ်မြောက်မြောက်တော့အောင်မြင်မှုမရှိသေးဘူးသူ့မှာတဖက်သတ်စိတ်ဝင်စားနေရတဲ့အန္နာဆိုတဲ့ကောင်မလေးတစ်ယောက်ရှိတယ်အန္နာဟာဆူနီးလ်ကိုတော့သူငယ်ချင်းတစ်ယောက်လိုပဲသဘောထားပြီးသူတို့အဖွဲ့ထဲကခရစ်ကိုတော့ရင်ခုန်နေပုံပါပဲဘာကြောင့်လဲဆိုတော့ဆူနီးလ်နဲ့ယှဉ်လိုက်ရင်ခရစ်ဟာအဖက်ဖက်ကအပုံကြီးသာနေလေတယ်ပညာအရည်အချင်းအလုပ်အကိုင်ဂုဏ်အဆင့်အတန်းအသိုင်းအဝိုင်းဒီလိုအခြေနေမှာဆူနီးလ်တစ်ယောက်အန္နာ့အချစ်ကိုရပါ့မလား…

 

Read More 0 comments

Rating : 8.2/10
Country : India
Genre : Action, Comedy, Family
Cast : Aamir Khan, Salman Khan, Raveena Tandon
Released Date : 1994
Duration : 2h 40min 

 လူငယ်လေးနှစ်ဦး အမွေရမယ့် သူဌေးသမီးတစ်ဦးကို အပြိုင်ပိုးကြရင်း သူ့ကို ရာဇဝတ်ကောင်တစ်ဦးလက်မှ ကယ်တင်ကြသူများအဖြစ်သို့ရောက်ရှိသွားပုံကို ကြည့်ရင်းပါးစပ်မပိတ်ရမယ့် သူတို့နှစ်ယောက်ပေါင်းဟာသကားကို ခံစားကြည့်ရှုလိုက်ာကြပါဦးခင်ဗျာ…

Read More 0 comments

Rating : 6.9/10

Country : India 

Genre :  Drama, Thriller 

Cast :  Mithun Chakraborty, Om Puri, Sohum Shah

Released Date : 1994

Duration :  2h 50 min

အညွှန်း

” တကြိမ်လောက်ပဲ ဖြစ်ဖြစ် မင်းလည်း ကိုယ့်ကို ချစ်ပါတယ်လို့ ပြောလိုက်”ဒီစကားက ဘယ်သူမဆိုပေါ့ ကိုယ်သိပ်ချစ်တဲ့ သူဆီက အလိုချင်ဆုံးစကားပဲ

ချစ်တယ်လို့ အပြောခံရဖို့ နှစ်တွေ အလီလီ အချိန်တွေ အကြာကြီးရင်းနှီးပေးဆပ်ကြရတယ် ့့့့့့အချစ်ဆိုတာ လွယ်မယောင်နဲ့ ခက်သလို ခက်ခဲမယ် ထင်ရပေမယ့် လွယ်သွားတာတွေလည်း အများသား

ဘယ်လိုကြိုးစားရင်ဖြင့် ချစ်လာပ်လိမ့်မယ်

ဘယ်လိုနည်းလမ်းသုံး

ဘယ်လို ချည်းကပ် ဆရာများစွာ သင်ကြားပေးနေပေမယ့် ဒီကိစ္စက မေးခွန်းမသိနိုင်တဲ့ စာမေးပွဲလိုပဲတဲ့

ဒါကြောင့်လည်း လူတွေပြောကြတာ အချစ်ကိစ္စမှာတော့ ဟိုလူ့ကို အတုယူ

ဟိုလူ့လို မလုပ်နဲ့ဆိုပြီး သင်ကြားပေးလို့မှမရပဲ

တကယ်လို သင်ကြားပေးလို့ရတောင် အချစ်သင်ရိုးညွှန်းတန်းက အမြဲပြောင်းလဲနေမှာပဲ ့့့့့့့့့တကယ်တော့ အချစ်ဆိုတာ အချစ်ပါပဲ နည်းလမ်း မှန်မှန် ချစ်တတ်ဖို့ပါပဲ ့့့့

အခုပြောပြချင်တာကတော့ မိန်းကလေးတစ်ယောက် နည်းလမ်း ကျကျပဲ ချစ်မိတာလား

သူချစ်ပုံချစ်နည်း မှားတာလား ဒါပေမဲ့ ချစ်တာတော့ ချစ်တာပဲ ့့့့့

အဲ့ဒီ အချစ်တွေရဲ့ အကျိုးဆက်တွေပဲပေါ့ ့့့့့့့့့=======================================================ဇာတ်လမ်းအကြောင်းမပြောခင် SRK ဟာ ၁၉၉၃ မှာ Darr နှင့် ၁၉၉၄ မှာ Anjaam ဆိုပြီး ဗီလိန် ကာရိုက်တာနဲ့ နှစ်ကား ထွက်ရှိခဲ့တယ်

နှစ်ကားလုံး ကောင်းမကောင်း ပြောမနေတော့ဘူး Daar မှာ အကောင်းဆုံး ဗီလိန် ဇာတ်ရုပ်နဲ့ စကာတင် စာရင်းဝင်တယ်

Anjaam နဲ့ အကောင်းဆုံး ဗီလိန် ဇာတ်ဆောင်ဆု ရတယ််။SRK ရဲ့ သရုပ်ဆောင်မှုက ပြောစရာမရှိအောင်ပဲ

အရာရာကို ငွေနဲ့ဝယ် သိမ်းပိုက် ဘာပြသနာ ဖြစ်ဖြစ် ငွေနဲ့ပဲ ဖြေရှင်းပြီး မျိုးရိုးစဉ်ဆက် ချမ်းသာလာတဲ့

စက်မှု လုပ်ငန်းစုကြီးရဲ့ ပုုိင်ရှင် ဗီဂျေးအဂူနီးဟိုသရီ ့့့့

အရာရာကို အထက်စီးကပဲ ဆက်ဆံတတ်ပြီး ကိုယ့်စိ်တ်ဝင်စားတဲ့ မိန်းကလေးကို စကားသွားပြောတာတောင်“ဒီကလပ်ထဲက မိန်းကလေးတွေ အကုန်လုံးက ကိုယ်သူတို့နဲ့ တွဲကကြပါစေဆိုပြီး မျှော်လင့်နေကြတာ ဒါပေမဲ့ ဒီအခွှင့်ရေး မင်းကို ပေးမယ်”အဲ့ဒီလို လူစားမျိုး နတ်ပြည်သွားမယ်ဆိုရင်တောင် ကောင်းမှု ကုသိုလ်နဲ့သွားမှာ မဟုတ်ဘူး ပိုက်ဆံနဲ့ လမ်းခင်းပြီး သွားမယ့် လူစားအရာရာကို အနိုင်ပိုင်း စိတ်ကြိုက် လုပ်ချင်သလို ဖြစ်နေတဲ့ သူကိုသွားသေလိုက်လေ ဆိုပြီး ငြင်းလွှတ်လိုက်တဲ့ မိန်းကလေး တစ်ယောက်နဲ့ ကလပ်တစ်ခုမှာ ပထမဆုံး အကြိမ် စတွေ့ဖူးတာပဲသူမ နာမည်က ရှီဗာနီး ့့့့့့့နေရာတကာ မောက်မာပြီး ငါတကောကောနေတဲ့ ဗီဂျေး တစ်ယောက် သူမနဲ့ကျမှ နူးညံ့မှုဆိုတာသိလာတယ်

ကဗျာတွေ စာတွေကို ခံစားတတ်လာပြီ သီချင်းတွေတောင် ညည်းတတ်နေပြီပဲ

သူ့ကို ချစ်မိနေပြီကိုး ့့့့့့=======================================================ရှီဗာနီး ့့့့့ ရှီဗာနီးကတော့ အဲးအိန္ဒိယ လေကြောင်းလိုင်းရဲ့ လေယာဉ်မယ် တစ်ယောက်

အစ်မလင်မယားနဲ့ အတူနေပေမယ့် ရောဂါသည် မိန်းမဖြစ်သူကို ဂရုမစိုက်ပဲ

အချိန်ပြည့် အလောင်ကစားပဲ သိတဲ့ ခဲအိုဖြစ်သူနဲ့ လုံးဝ မတည့်ဘူး

မိန်းကလေး တစ်ယောက် ဖြစ်ပေမယ့် မဟုတ်မခံ ဆက်ဆက်ထိ မခံတဲ့ လူစားမျိုး

ဒါကြောင့်လည်း ဆရာဆိုဒ်နဲ့ လာလုံးတဲ့ ဗီဂျေးကို သွားသေလိုက်လို့ ပြတ်ပြတ်ပဲ ငြင်းလွှတ်လိုက်တာ ့့့့့=======================================================ဗီဂျေး တစ်ယောက် ရှီဗာနီးကို အသည်းအသန် ချစ်မိနေပြီ ့့့့့

အမေဖြစ်သူကို ဖွင့်ပြောပြီး မိသားဖသား ပီပီ တောင်းရမ်းပေးဖို့ ပူစာပါတော့တယ်အမေကလည်း ဒီသားလေး စိတ်တိုင်းကျ သွားတောင်းပေးပေါ့ သွားတဲ့ အချိန်မှာတော့ ့့့့့့ရှီဗာနီးရဲ့ အိမ်မှာ မင်္ဂလာဧည့်ခံပွဲ တစ်ခုကို မြင်လိုက်ရပါတော့တယ်သတို့သမီး ဖြစ်သူမှာ ရှီဗာနီး ဖြစ်နေတဲ့ အခါမှာတော့ ့့့့့့့့့့့့့=======================================================” ဟိုး ကောင်ကင်ယံက ကြယ်ကလေးတစ်ပွင့်

သူ ကျွန်တော့်ကို ချစ်နေမယ်လို့ ထင်ခဲ့မိတယ်(တဖက်သတ်)ချစ်ရပါသော ကြယ်ကလေး ကျွန်တော့်ကို ပေးလှည့်ပါဗျာမေမေက ဒီကြယ်လေးကို ကျွန်တော့် အတွက်ပေးခဲ့တာ “=======================================================နူးညံ့တဲ့ နှလုံးသားနဲ့ ပထမဆုံး အကြိမ် ချစ်ခဲ့မိတဲ့ မိန်းကလေးကို ဆုံးရှုံးလိုက်ရတဲ့ ဗီဂျေး တစ်ယောက် အရင်ထက်ပို ကြမ်းတမ်းသွားပါပြီှ

သူ့ဘဝသူ တွယ်တာရမှန်းတောင် မသိတော့ဘူး

အချိန်ရှိသ၍ အမဲလိုက်နေတတ်တယ်” အပြစ်မဲ့တဲ့ တိရစ္ဆာန် လေးတွေကို ဘာကြောင့် လိုက်သတ်နေရတာလဲ သားရယ်

ကျွန်တော် ကြိုက်လို့ အဲ့လို လုပ်ရတာကိုက အားရလို့ “” ငါပြောဖူးတယ် မဟုတ်လား ငါမရနိုင်တဲ့ အရာတစ်ခုကို ဖျက်စီးပစ်လိုက်တယ်လို့ “

 

Read More 0 comments

 

Rating : 5.9/10
Country : United State
Genre : Animation, Adventure, Family
Cast : Scott McAfee, Candace Hutson, Heather Hogan
Released Date : 1994
Duration : 1h 13min

အညွှန်း

၁၉၈၈ ခုနှစ်က စတင်ထွက်ရှိလာခဲ့တဲ့ The LandBefore Time ဆိုတဲ့ ကာတွန်းဇာတ်လမ်းလေးတွေပဲဖြစ်ပါတယ်။ ဇာတ်လမ်းလေးအကြောင်းမပြောခင် သိစေချင်တာလေးတစ်ခုရှိပါတယ်။ ဘာလဲဆိုတော့ ဒီဇာတ်လမ်းကို ဖန်တီးသူတွေအကြောင်းပါ …. Producer တွေကတော့ ဂျော့်ဂျ်လူးကပ်စ် နဲ့ စတီဗင်စပီးဘာ့ဂ် တို့ဖြစ်ကြပြီး ဒါရိုက်တာကတော့ ဒွန်ဘလုသ် ပဲ ဖြစ်ပါတယ်။ သူတို့လို ရုပ်ရှင်အကျော်အမော်ကြီး ၃ ယောက်ဆုံထားတဲ့ ဒီလိုစီးရီးမျိုးဟာ

Movie Industry မှာ ဒီတစ်ခုတည်းသာ ရှိတယ်လို့လည်း သိရပါတယ်။ဇာတ်လမ်းလေးကတော့ ရိုးရှင်းပါတယ် ကမ္ဘာဦးအစက ဒိုင်နိုဆောလေးတွေနဲ့ သူတို့ရဲ့ ရှင်သန်ရပ်တည်မှု ဆင့်ကဲပြောင်းလဲမှုတွေအကြောင်းကို ဇာတ်အိမ်တည်ပြီး လစ်တဲဖု စပိုက်ခ် ဆယ်ရာ နဲ့ ပီထရီဆိုတဲ့ ဒိုင်နိုဆောသူငယ်ချင်းလေးတစ်စုရဲ့ ချစ်ခြင်းမေတ္တာတွေကို ရိုက်ပြထားတာပါ။ကာတွန်းကားဆိုပေမယ့် …… ကမ္ဘာဦးတုန်းက ဆင့်ကဲပြောင်းလဲခြင်းဖြစ်စဉ်တွေ ဒိုင်နိုဆောအမျိုးအစားတစ်ခုစီရဲ့ သဘာဝလေးတွေကိုပါသေသေချာချာလေး ထည့်ရိုက်ထားတာမို့ ကလေးလေးတွေရော လူကြီးတွေပါ ကာတွန်းကြည့်ရင်း ဗဟုသုတရစေမှာအမှန်ပါပဲ။ ပြီးတော့ ဒီကာတွန်းကားလေးမှာ သတိထားမိတာက ကလေးလေးတွေရဲ့ တကယ့် အပြုအမူနဲ့ စိတ်နေစိတ်ထားလေးတွေကို ထည့်ရိုက်ထားတာပါ။ စိတ်တိုလွယ်တဲ့ကလေး တစ်ခုခုဆို ကြောက်တတ်တဲ့ ကလေး သူများကို သနားတတ်တဲ့ကလေး ဘာမဆို စပ်စပ်စုစု လုပ်တတ်တဲ့ကလေးတွေ ပြီးတော့ သူတို့ရဲ့ အပြုအမူလေးတွေကြောင့် ဖြစ်လာတဲ့ အကျိုးဆက်လေးတွေကို ပြပေးထားတာက entertainment တင်မက ကလေးလေးတွေရဲ့ စိတ်နေစိတ်ထားလေးတွေကို ပြုပြင်ဆုံးမရာမှာ တစ်နည်းနည်းနဲ့ အထောက်အကူပေးပါလိမ့်မယ်။ဒီတော့ အများကြီးတော့ မညွှန်းတော့ပါဘူး ကမ္ဘာဦးတုန်းက ဒိုင်နိုဆောကြီးတွေက ဘယ်လိုနေကြလဲလို့ ကလေးလေးတစ်ယောက်ယောက်ကများ မေးလာခဲ့ရင် ကျွန်မ ဒီဇာတ်ကားလေးကိုပဲ ပြဖြစ်မယ်ထင်ပါတယ်။ အိမ်မှာ ကလေးရှိတဲ့သူတွေရောကာတွန်းကားနှစ်သက်တဲ့သူတွေရော ဒီကာတွန်းကားလေးတွေကို မြည်းစမ်းကြည့်ပါ နောင်တမရစေရဘူးလို့ အာမခံပါတယ်နော်။

Read More 0 comments

Rating : 9.3/10

Country : United State

Genre :  Drama

Cast : Tim Robbins, Morgan Freeman

Released Date : 1994

Duration : 2h 22min

မိတ်ဆွေတို့ Google မှာ IMDb rating အမြင့်ဆုံးကားများ လို့ ရိုက်ရှာကြည့်ချင်ပါသလား? Rotten tomatoes ရဲ့ အကောင်းဆုံးကားများလို့ ရိုက်ရှာကြည့်ချင်ပါသလား? ရုပ်ရှင်သမိုင်းတလျှောက်အကောင်းဆုံးကားများ…..မသေခင်ကြည့်သင့်သော ကားများ….ဘာညာသာရကာ အစုံရိုက်ပြီး ရှာကြည့်လိုက်ပါ။ ဒီဇာတ်ကားကတော့ ထိပ်ပိုင်းတစ်နေရာမှာ အမြဲပါနေပါလိမ့်မယ်။
ဇာတ်လမ်း အကျဉ်းလေးကတော့ ရိုးရှင်းပါတယ်။ လူသတ်မှုနဲ့ ထောင်ဒဏ် တစ်သက် ၂ ခါ ကျခံရပြီး ရှောရှန့်ခ် ထောင်ထဲကို ရောက်လာတဲ့ ဘဏ်စီးပွားရေးသမား အန်ဒီ ဒူဖရင်း(Tim Robbins) နဲ့ တကျွန်းသမားဟောင်းကြီး ရက်ဒ်(Morgan Freeman) တို့ ရဲ့ ထောင်ထဲက အခက်အခဲတွေနဲ့ မိတ်ဆွေဘဝ၊ အန်ဒီရဲ့ ငရဲလို မျှော်လင့်ချက်မရှိတဲ့ နေရာမှာ ကိုယ့်ကိုကိုယ် ဘယ်လိုတည်ဆောက်ပြီး နေထိုင်သွားလဲ၊ လွတ်မြောက်မှုကို ဘယ်လိုရှာဖွေသွားလဲ ဆိုတဲ့အကြောင်းလေးပါပဲ။ရုပ်ရှင်လေးက ရိုးရှင်းပေမယ့်….ဒါရိုက်တာတိုင်း အိပ်မက်မိမယ့် အောင်မြင်မှုတွေ ရရှိသွားခဲ့ပါတယ်။ အော်စကာ လျာထားမှု (၇) နေရာ တခြား ဆုပေါင်းများစွာ နဲ့ ဝေဖန်ရေးသမားတွေရဲ့ ချီးကျူးမှုပေါင်းများစွာနဲ့ အောင်မြင်ခဲ့ပါတယ်။ ခင်ဗျားတို့ဆီက မျက်ရည်တွေ ချူနိုင်ပါလိမ့်မယ်။ ခင်ဗျားတို့ ဘဝတွေကို ဘယ်လိုရှင်သန်ခဲ့မိပြီလဲလို့ ပြန်တွေးမိစေပါလိမ့်မယ်။ ဘဝရဲ့ အချိန်ကောင်းတွေကို ဖြုန်းတီးမိသွားပြီလားလို့ သံသယဖြစ်လာပါလိမ့်မယ်။ တခါမှ မတွေးမိသေးတာ ဖြစ်နိုင်မယ့် လက်ရှိဘဝရဲ့ လွတ်လပ်မှုတန်ဖိုးကို တွေးမိကောင်း တွေးမိကြပါလိမ့်မယ်။ နောက်ဆုံးမှတော့ ပျော်ရွင်မှုလေး တစ်ခု ခံစားရင်း အဆုံးသတ်သွားပါလိမ့်မယ်လို့…..

Read More 0 comments