Collide (2016)

Rating : 5.7/10
Country :  United State
Genre :   Action, Crime, Thriller 
Cast :  Nicholas Hoult, Felicity Jones, Anthony Hopkins 
Released Date : 2016
Duration : 1h 39min

Casey နဲ့ Juliette တို့နှစ်ယောက်ဟာ ဂျာမနီနိုင်ငံက ဘားတစ်ခုမှာ တွေ့ဆုံခဲ့ပြီးနောက် ချစ်ကြိုက်ခဲ့ကြတယ်။ Casey က Juliette လို ချစ်ရတဲ့ ချစ်သူတစ်ယောက်ရှိနေပြီ ဖြစ်တဲ့အတွက် သူရဲ့ အလုပ်တစ်ခုဖြစ်တဲ့ တရားမဝင် မူးယစ်ဆေးဝါး ရောင်းဝယ်တဲ့အလုပ်ကို မလုပ်တော့ဖို့ ဆုံးဖြတ်လိုက်တယ်။

Juliette နဲ့အတူ နှစ်ယောက်သား အေးချမ်းတဲ့ ဘဝတစ်ခုကို ဖြတ်သန်းနေစဉ်မှာ Juliette ရဲ့ ကျန်းမာရေးအခြေအနေက ရုတ်တရက် ဆိုးရွားလာတာကြောင့် ကျောက်ကပ်အစားထိုးခွဲစိတ်ဖို့ဖြစ်လာတယ်။ ဒါပေမဲ့ Casey မှာ ငွေမရှိဘူး။ Juliette ရဲ့ ရောဂါကို ကုသနိုင်ဖို့အတွက် လိုနေတဲ့ ပမာဏကလည်း တော်တော်များများပဲ။

ဒါနဲ့ Casey ဟာ ဒုစရိုက်လောကက သူ့ရဲ့ ဘောစိဟောင်း Geran ဆီမှာ ပြန်အလုပ်လုပ်ဖို့ ဖန်လာတယ်။ ဂျာမနီက နာမည်ကြီး မူးယစ်ဆေးဝါးမှောင်ခိုကုန်သည်ကြီး Hagen Khal ဆီကနေ ကိုကင်းတွေအပြည့်ပါတဲ့ ကုန်တင်ကားတစ်စီးကို ခိုးပေးမယ်ဆိုပြီး Casey က Geran နဲ့ အပေးယူလုပ်ခဲ့တယ်။

ဒါပေမဲ့ Hagen Kal က သူ့ရဲ့ကုန်တင်ကား ခိုးသွားသူဟာ Casey မှန်း သိသွားတဲ့အခါ ကြေးစားလူသတ်သမားတွေကို ရအောင်ဖမ်းဖို့ စေခိုင်းခဲ့တယ်။ ချစ်ရသူ Juliette ရဲ့ အသက်ကို ကယ်တင်နိုင်ဖို့အတွက် လူသတ်သမားတွေရဲ့လက်ကနေ Casey တစ်ယောက် လွတ်အောင် ပြေးနိုင်ပါ့မလား။ ဒါမှမဟုတ် မူးယစ်ဆေးဝါး ဒုစရိုက်သမားတွေကို လက်ရဖမ်းဖို့ ထပ်ကြပ်မကွာ လိုက်နေတဲ့ ဂျာမန်ရဲတွေဆီမှာပဲ အဖမ်းခံရလေမလား။

IMDb 5.6 ရရှိထားတဲ့ Collide (2016) ဟာ Nicholas Hoult , Felicity Jones, Anthony Hopkins တို့လို နာမည်ကြီး သရုပ်ဆောင်တွေ ပါဝင်ထားတာကြောင့် စိတ်လှုပ်ရှားစရာ အက်ရှင်ခန်းတွေနဲ့ ကြည့်ရတာ အဆင်ပြေတဲ့ ဇာတ်ကားတစ်ကား ဖြစ်ပါတယ်။