Revenge of the Pontianak (2019)

Rating : 5.1/10
Country : Singapore
Genre :  Horror, Romance
Cast : Nur Fazura, Remy Ishak, Hisyam Hamid 
Released Date : 2019
Duration : 1h 32min

အညွှန်း

အချစ်ကြောင့် ဒုက္ခရောက်ပြီး ဘ၀ပျက်တတ်တာ ယုံကြည်ပါသလား။

ကိုယ်ချစ်တဲ့သူက ကိုယ့်နောက်ကျောကို ဓားနဲ့ထိုးတာ ကြုံဖူးပါသလား။

တကယ်လို့ ကြုံဖူးတယ်ဆိုရင်တော့ ဒီဇာတ်ကားက သင့်အတွက် ဇာတ်ရှိန်ကို ပိုမြင့်စေမှာပါ။

ထိုင်း၊မလေးရှား သရဲကားလို့ပြောလိုက်ရင် အရမ်းကြောက်စရာကောင်းတယ်၊ ဇာတ်အိမ်ဇာတ်လမ်းကောင်းတယ်ဆိုတာ ငြင်းစရာမရှိပါဘူး။

ဒီ “သရဲမရဲ့ ကလဲ့စား” ဇာတ်ကားကတော့ မလေးရှား သရဲကားပဲဖြစ်ပါတယ်။ပြီးတော့ ထူးထူးခြားခြားပဲ သရဲမက ငှက်ပျောတောထဲမှာနေတဲ့ သရဲမပါ။

1965 ကာလကို နောက်ခံထားပြီး ရိုက်ကူးတင်ဆက်ထားတာမို့ အမြင်တစ်မျိုးလေးနဲ့ ဆွဲဆောင်မှု ရှိစေပါတယ်။

ခါလိ နဲ့ စီတီ တို့ရဲ့ မင်္ဂလာပွဲပြီးနောက်တစ်ရက်မှာ ခါလိရဲ့ သူငယ်ချင်း ရိတ်က ရွာလယ်ခေါင်က သစ်ပင်မှာ ဆွဲကြိုးချပြီး သေနေပါတယ်။

ဒါကို မြင်တော့ လူတိုင်းက ရွာကို အမှောင်လောကသားတွေ ကြီးစိုးနေပြီ၊ ရွာက ကျိန်စာသင့်နေပြီဆိုတာကို သိနေကြပါတယ်။

ဘာဖြစ်လို့ ခါလိနဲ့ စီတီတို့ရဲ့ မင်္ဂလာဆောင်ပြီးတဲ့နေ့မှာ ဖြစ်ရတာလဲ၊ တိုက်ဆိုင်မှု သက်သက်လား ဆိုတာကတော့ စိတ်၀င်စားစရာပါပဲ။

သရဲမကကော ဘယ်သူ့ကို ဘာကြောင့်ကလဲ့စားချေချင်နေတာလဲဆိုတာကိုတော့ မလေးရှား သရဲကားတွေရဲ့ ထုံးစံအတိုင်း ‌စိတ်လှုပ်ရှားစား ကြည့်ရမယ့် ကားကောင်းလေးတစ်ကားဖြစ်ပါတယ်။