Father Soldier Son (2020)

Rating : 7.4/10
Country : United State
Genre : Documentary, War
Cast : Brian Eisch, Isaac Eisch, Joey Eisch
Released Date : 2020
Duration : 1h 39min

အညွှန်း

Netflix ကထွက်ရှိထားတဲ့ Documentary ဇာတ်ကားလေးပါ။

Father Soldier Son လို့အမည်ရပါတယ်၊ Documentary တွေရဲ့ ထုံးစံအတိုင်း စကားချည်းပဲလှိမ့်ပြောနေတဲ့ပုံစံတော့ ဖြစ်နေပေမယ့်၊ ဒီကားလေးကတော့ မပျင်းရပါဘူး မိသားစုဇာတ်အိမ်လေးပါ

Brian လို့ခေါ်တဲ့ အမျိုးသားက စစ်သားတစ်ယောက် စစ်သားဖြစ်ရတာကိုလည်း ဂုဏ်ယူနေတဲ့သူပေါ့၊သားကလေးနှစ်ယောက်ကလည်း အဖေစစ်သားဖြစ်တာ ဂုဏ်ယူတယ်၊ ခြောက်လမှတစ်ခါ တွေ့ရပေမယ့် အဖေနဲ့တွေ့ရတဲ့ရက်တိုင်းဟာ သူတို့အတွက်ရက်ရာဇာပေါ့ဗျာ။ အဖေပြန်သွားတိုင်းစိတ်ပူတယ်၊ ဘေးကင်းကင်းနဲ့ပြန်ရောက်ဖို့လည်း မျှော်လင့်ကြပေမယ့် နောက်ဆုံးတစ်ခေါက်မှာတော့ ဒဏ်ရာရပြီးပြန်ရောက်လာတယ်။

အဲ့ကနေတစ်ဆင့် နေ့ရက်တိုင်းဖြစ်ပျက်နေတဲ့ သူတို့ခံစားချက်တွေ ဖြစ်စဉ်တွေကို ရိုးရိုးလေးတင်ပြထားတာပါ၊ အဖေနဲ့သားကြားက ခံစားချက်တွေကိုလည်း အင်တာဗျူးအနေနဲ့ ကွက်ကွက်ကွင်းကွင်း မြင်တွေ့နိုင်ပါတယ်

ဇာတ်လမ်းနောက်ပိုင်းကခံစားရတဲ့အကြောင်းအရာတွေကိုတော့ မြှုပ်ကွက်အနေနဲ့ မပြောပြတော့ဘူးဗျာ၊ သမားရိုးကျ  စစ်သားတစ်ယောက်ရဲ့မိသားစုကို ရိုက်ပြထားတဲ့  Documentary ဇာတ်ကားလေးက IMDb rating 7.3 တောင်  ဘာလို့ရထားလဲဆိုတာသိချင်ရင်တော့ အခုပဲကြည့်လိုက်တော့နော်