Malcolm & Marie (2021)

 

Rating : 6.0/10
Country : United State
Genre : Drama, Romance 
Cast : John David Washington, Zendaya
Released Date : 2021
Duration : 1h 46min

အညွှန်း

ဒီတစ်ခါမိတ်ဆက်ပေးမယ့် ဇာတ်ကားလေးကတော့ Malcolm And Marie ဆိုတဲ့ဇာတ်ကားလေးဖြစ်ပါတယ်။ ဒီဇာတ်ကားကို Feb 5/ 2021မှာ ထုတ်လွှင့်ပြသခဲ့တာဖြစ်ပြီးတော့ IMDb 6.7/ 10 ရရှိထားပါတယ်။ ဒီဇာတ်ကားလေးထဲမှာဆိုရင် ချစ်သူနှစ်ယောက်ကြားမှာရှိတဲ့ အချစ်၊ အမုန်း၊ သဝန်တိုမှုတွေကို ရင်ဆိုင်ဖြေရှင်းကြရင်း ကြေကွဲဝမ်းနည်းဖွယ်အဆုံးသတ်သွားတဲ့ ချစ်သူနှစ်ယောက်ရဲ့အချစ်ဇာတ်လမ်းလေးကို မြင်တွေ့ရမှာဖြစ်ပါတယ်။

မယ်ကွန်က လူမည်းရုပ်ရှင်ရိုက်ကူးသူတစ်ယောက်ဖြစ်ပါတယ်။ မယ်ရီကတော့ မယ်ကွန်ရဲ့ချစ်သူဖြစ်ပါတယ်။ မယ်ကွန်နဲ့မတွေ့ခင်တုန်းက မယ်ရီက မူးယစ်ဆေးစွဲနေတဲ့ ဆေးသမားတစ်ယောက်ဖြစ်ပါတယ်။ မယ်ကွန်ဟာ သူမကိုဆေးသမားဘဝကနေ လူကောင်းတစ်ယောက်ဖြစ်လာအောင် ကိုယ်တိုင်တာဝန်ယူပြုစုပေးခဲ့ပါတယ်။ မယ်ရီရဲ့ဘဝဇာတ်ကြောင်းကို မယ်ကွန်ကဇာတ်ညွှန်းရေးပြီး ရုပ်ရှင်ဇာတ်ကား ဖန်တီးခဲ့ပါတယ်။ ဒီရုပ်ရှင်ဇာတ်ကား ရုံတင်တဲ့နေ့မှာဘဲ မယ်ကွန်ဟာ မှတ်ချက်ကောင်းကောင်းအပေးခံခဲ့ရပါတယ်။ ဒီရုပ်ရှင်ကားဟာဆိုရင် သူပွဲဦးထွက် ရိုက်ကူးတဲ့ရုပ်ရှင်ကားလည်းဖြစ်ပါတယ်။

ရုပ်ရှင်ပြပွဲပြီးလို့ အိမ်ပြန်ရောက်တဲ့အချိန်မှာဘဲ သူတို့နှစ်ယောက် ပြဿနာတက်ကြပါတော့တယ်။ မယ်ကွန်ဟာ စင်မြင့်ပေါ်မှာကျေးဇူးတင်စကားပြောကြားတဲ့အချိန်မှာ မယ်ရီကို ကျေးဇူးတင်စကားပြောဖို့မေ့နေခဲ့ပါတယ်။ လျစ်လျူရှုခံရပေါင်းများလာတဲ့အခါမှာတော့ မယ်ရီအကြီးအကျယ် ပေါက်ကွဲဒေါသထွက်ပါတော့တယ်။ တစ်ယောက်နဲ့တစ်ယောက် မကျေနပ်ချက်တွေကို ထုတ်ဖော်ကြရင်းက ဘယ်လိုအချေအတင်တွေဆက်ဖြစ်ကြမလဲ မယ်ကွန်တောင်းပန်တာကို မယ်ရီကလက်ခံပေးမှာလားဆိုတာ ဆက်လက်ကြည့်ရှုပေးပါဦး ပရိသတ်ကြီးရေ။