Life in a Year (2020)

 

Rating : 5.6/10
Country : United State
Genre : Drama, Romance
Cast : Cara Delevingne, Chris D'Elia, Cuba Gooding Jr. 
Released Date : 2020
Duration : 1h 47min

အညွှန်း

ရင်ထဲထိစေမယ့် အချစ်ဇာတ်လမ်းကောင်းလေးတစ်ခုကို ညွှန်းပေးချင်ပါတယ်။ ဖခင်ချထားတဲ့ပုံစံခွက်ထဲမှာ အသားကျပြီး ကိုယ်တကယ်ဖြစ်ချင်တာထက် ဖခင်ဆန္ဒအတိုင်း ရည်ရွယ်ချက်ကြီးကြီးထားပြီးကြိုးစားနေမိတဲ့ ကောင်လေးတစ်ယောက်၊ သူတကယ်ဖြစ်ချင်တာက Rapper… ဒါပေမဲ့ သူကြိုးစားနေရ‌တာက ဟားဗတ်တက္ကသိုလ်ဆီ ရောက်ရှိရေး။

တစ်နေ့မှာ ရေခဲမုန့်ဆိုင်က အချိန်ပိုင်းကောင်မလေး တစ်ယောက်နဲ့ဆုံပြီး မြင်မြင်ချင်း သဘောကျမိသွားတယ်။ ကောင်မလေးက သူနဲ့လုံး၀ကို ဆန့်ကျင်ဘက်…၊ ကောင်မလေးမှာ သူ့လို အနာဂတ်ပန်းတိုင်မရှိဘူး၊ အရမ်းလွတ်လွတ်လပ်လပ်နေတဲ့သူလေး…။ ‌သူတို့နှစ်ယောက်တွေ့ဆုံချိန်မှာ ကောင်လေးကို အိပ်မက်အစစ်ရှာတွေ့နိုင်အောင် လမ်းပြပေးခဲ့သူ…။

အသွင်မတူသလို အခြေအနေချင်းလည်း လုံး၀မတူညီကြတဲ့ သူတို့နှစ်ယောက်ရဲ့ တွေ့ဆုံမှုက ဘယ်လိုဖြစ်လာမလဲ။ အကြောင်းတစ်ခုကြောင့် အရမ်းချစ်ကြသူနှစ်ဦးဟာ တစ်နှစ်ပဲနေရဖို့ ကံကြမ္မာဖန်လာခဲ့မယ်ဆိုရင်…. နှစ်ယောက်လုံးအတွက် တန်ဖိုးရှိတဲ့ တစ်နှစ်တာကာလကို ဘယ်လိုဖန်တီးယူကြမလဲ။

အချစ်ဇာတ်လမ်းတင်မကပါဘူး၊ ကိုယ့်ရဲ့အိပ်မက်အစစ်အမှန်ကို လျှောက်လှမ်းရဲစေမယ့် စိတ်ဓာတ်ခွန်အားကိုလည်း ရရှိစေမှာပါ။

Life in a Year ကို နာမည်ကျော်မင်းသားကြီး Will Smith က ထုတ်လုပ်သူအဖြစ်တာ၀န်ယူထားပြီး၊ သူ့ရဲ့သားဖြစ်သူ Jaden Smith နဲ့အတူ မော်ဒယ်မင်းသမီးချော Cara Delevingne က ခေါင်းဆောင်ပါ၀င်ထားပါတယ်။