အညွှန်း
Young Ih ဆိုတဲ့ကောင်မလေးဟာ ငယ်ရွယ်စဉ်မှာ အိမ်ထောင်ကျခဲ့ပြီး ချစ်စရာသမီးလေးထွန်းကားခဲ့တယ်။ ဒါပေမယ့် ကံဆိုးစွာပဲ ခင်ပွန်းသည်ကတော့ ဆုံးပါးသွားခဲ့ရှာတယ်။
အဲ့ဒီနောက် သမီးလေးအနာဂတ်လှပရေး အလုပ်မျိုးစုံလုပ်ပြီး ရုန်းကန်ရှာတာပေါ့။ ဒီလိုနဲ့ တစ်နေ့မှာတော့ သူမရဲ့ခင်ပွန်းမျက်ကြည်လွှာကို ယူပြီး ကုသပေးခဲ့တဲ့ ယောက်ျားလေးတစ်ယောက်နဲ့ တွေ့ဆုံခဲ့တဲ့အခါမှာတော့ …
ဘာတွေဆက်ဖြစ်မလဲ?
အညွှန်း
Baek Dong Ju (Hyeri) က နာရေးကူညီမှုက ဒါရိုက်တာတစ်ယောက်ဖြစ်ပြီး သေသွားတဲ့လူတွေကို မြင်နိုင်၊ ပြောဆိုနိုင်တဲ့ အထူးစွမ်းရည်တစ်ခု ပိုင်ဆိုင်ထားပါတယ်။ သေသွားတဲ့လူတွေဟာ Dong Ju ဆီကို သူတို့ရဲ့ နောက်ဆုံးဆန္ဒကို တောင်းဆိုတယ်။ တကယ်လို့ Dong Ju က မလုပ်ပေးဘူးဆိုရင် အဲ့နေ့တစ်နေ့လုံး ကံဆိုးမှုတွေကို ကြုံရမှာပါ။
Kim Jib Sa (Lee Jun Young) ကတော့ ဦးလေးဖြစ်သူပိုင်ဆိုင်တဲ့ “အီဒန်းဘဲ့” ကုမ္ပဏီက ဝန်ထမ်းဖြစ်ပြီး “အီဒန်းဘဲ့” ဆိုတာကတော့ တစ်နေ့ကို ဝမ် 100 ကနေစပြီး ဖောက်သည်တွေ တောင်းဆိုသမျှ အလုပ်အားလုံးကို အကောင်းဆုံးဝန်ဆောင်မှုပေးတဲ့ လုပ်ငန်းမျိုးပါ။
Baek Dong Ju နဲ့ Kim Jib Sa တို့နှစ်ယောက် အလုပ်တူတူလုပ်ကြရင်း သေသွားတဲ့ ဝိညာဥ်တွေရဲ့ ဆန္ဒကို လိုက်ဖြည့်ဆည်းပေးရင်းနဲ့ ဖြစ်လာမယ့်အလွဲအချော်လေးတွေကြားထဲက သူတို့ရဲ့ Romance လေးတွေကို ကြည့်ရှုရမှာပါနော်။
အညွှန်း
METHOD Entertainment ကတော့ မင်းသားမင်းသမီးတွေများစွာနဲ့ အလုပ်တွဲလုပ်နေတဲ့ နာမည်ကြီး အေဂျင်စီကြီးတစ်ခုဖြစ်တယ်
ဒီအေဂျင်စီကြီးမှာရှိတဲ့ ဝန်ထမ်းတွေကတော့ သရုပ်ဆောင်တွေအတွက် အလုပ်အကိုင်နဲ့ ကိုယ်ရေးကိုယ်တာ ကိစ္စတွေကိုပါ ဖြေရှင်းပေးနေရတာပါ
မာထယ်အိုကတော့ ကျွမ်းကျင်မန်နေဂျာတစ်ယောက်ဖြစ်ပြီး ကုမ္ပဏီမှာတော့ ဒါရိုက်တာရာထူးနဲ့ လုပ်ကိုင်ဆောင်ရွက်နေပါတယ်
ဉာဏ်ကောင်းပြီး သိမ်မွေ့ပေမယ့် ဗျူဟာကောင်းတဲ့လူတစ်ယောက်ဖြစ်တာကြောင့် ဘယ်လိုလှည့်စားမှုမျိုးကိုမဆို သူက ကျွမ်းကျင်စွာ လုပ်ဆောင်တတ်တယ်
ချွန်းဂျယ်အင်ကတော့ မန်နေဂျာလုပ်သက် ၁၄ နှစ်ရှိတဲ့ ဝါရင့်မန်နေဂျာတစ်ယောက်ပါ
အလုပ်မှာဆိုရင်လည်း မန်နေဂျာအဖွဲ့ရဲ့ အဖွဲ့မှူးတစ်ယောက်ဖြစ်တယ်
အရည်အချင်းရှိပြီး အလုပ်ဂျပိုးတစ်ယောက်လည်းဖြစ်တယ်
ဒေါသကြီးပြီး သူဖြစ်ချင်တာဆိုရင် ဘာကိုမှဂရုမစိုက်ဘဲ ရအောင်လုပ်တတ်လို့
မာထယ်အိုနဲ့သူမက အမြဲတမ်း ပြဒါးတစ်လမ်း သံတစ်လမ်းလိုဖြစ်နေကျပါ
ဂင်ဂျောင်ဒွန် ကတော့ ချွန်းဂျယ်အင်ရဲ့ အချစ်ဆုံးသူငယ်ချင်းဖြစ်ပြီး အလုပ်မှာလည်း ဂျယ်အင်နဲ့ ရာထူးတူညီစွာပဲ မန်နေဂျာအဖွဲ့မှူးရာထူးကိုရထားတာပါ
ဒါပေမဲ့ ဂျောင်ဂျွန်ကတော့ ဂျယ်အင်နဲ့ဆန့်ကျင်ဘက် သိမ်မွေ့ယဉ်ကျေးတဲ့သူတစ်ယောက်ဖြစ်နေပါတယ်
တစ်နေ့ သူတို့ဝါရင့်မန်နေဂျာတွေကြားထဲ မန်နေဂျာလက်သစ်လေး ဆိုဟျွန်းဂျူရောက်လာတဲ့အခါ…
လူသစ်လေးဖြစ်တဲ့ ဆိုဟျွန်းဂျူတစ်ယောက် မန်နေဂျာတွေရဲ့ နေ့စဉ်ဒုက္ခတွေ ဖြေရှင်းရတဲ့ ပြဿနာတွေကို ရင်ဆိုင်နိုင်ပါ့မလား
သူမရထားတဲ့အလုပ်ကို သေချာလုပ်နိုင်မလားဆို ဘယ်လိုအခက်အခဲလေးတွေ အလွဲလေးတွေ ဖြစ်မလဲ...
အညွှန်း
မင်းသမီး Shin Ye Eunက ဒီကားထဲမှာ Ok Chan Miဆိုတဲ့ ၁၉နှစ်အရွယ်ကျောင်းသူလေးဖြစ်ပြီးတော့
အထက်တန်းကျောင်းရဲ့ သေနတ်ပစ်အသင်းက ကစားသမားတစ်ဦးအဖြစ် သရုပ်ဆောင်ထားပါတယ်။
All of Us are dead ထဲက အားလုံးရဲ့အချစ်တော် Lomonကတော့
မိခင်ဖြစ်သူကို တစ်ကိုယ်တည်းစောင့်ရှောက်နေရတဲ့ အထက်တန်းကျောင်းသားလေး Ji Soo Heonအဖြစ်ပါဝင်ထားပါတယ်။
Ok Chan Miဟာ သံသယဖြစ်ဖွယ်ကောင်းတဲ့ အမွှာအစ်ကိုဖြစ်သူရဲ့သေဆုံးမှုရဲ့နောက်ကွယ်က တရားခံနဲ့ အမှန်တရားကို ရှာဖွေဖို့ကြိုးစားနေခဲ့ပြီး
Ji Soo Heonကတော့ အနိုင်ကျင့်ခံရတဲ့ကျောင်းသားတွေကိုယ်စား အပြစ်ရှိသူတွေကို ကလဲ့စားချေသွားမှာပါ။
ရည်ရွယ်ချက်ချင်းမကွာကြတဲ့ နှစ်ယောက်သားတွေ့ဆုံကြပြီး အမှန်တရားကို ရှာဖွေသွားကြမှာဆိုတော့
သည်းထိပ်ရင်ဖိုဇာတ်လမ်းကောင်းတစ်ပုဒ်ဖြစ်လာဦးမှာအသေချာပါပဲ။
School Dramaကို Thriller အမျိုးအစားနဲ့ကြည့်ချင်သူတွေအတွက်ကတော့ ကြည့်သင့်တဲ့ဇာတ်လမ်းလေးပါပဲနော်။
မျှော်နေတဲ့လူတိုင်းအတွက်လည်း အပတ်စဉ်ဗုဒ္ဓဟူးနေ့တိုင်း တင်ဆက်ပေးသွားမှာမို့လို့ အတူလိုက်ပါစီးမျောဖို့ ဖိတ်ခေါ်လိုက်ပါတယ်။
အညွှန်း
ဒီတစ်ခါ series အသစ်လေးမှာတော့ kdrama fan တွေနဲ့ရင်းနှီးပြီးသား
ဝါရင့်သရုပ်ဆောင်အကျော်အမော်တွေပါဝင်သလို
Ha Ji Won ရဲ့ 2022 Comeback drama တစ်ခုလို့ပြောရင်လည်းမမှားပါဘူး။
Ja Geum Soon ဟာ မြောက်ကိုရီးယားကနေ ထွက်ပြေးလာတဲ့လမ်းမှာ ခင်ပွန်းနဲ့ကွဲကွာပြီး
တောင်ကိုရီးယားကို တစ်ယောက်တည်းလွတ်မြောက်လာရာကနေ
အောင်မြင်တဲ့ဟိုတယ်ပိုင်ရှင်သူဌေးမအဖြစ် နှစ်ပေါင်းများစွာရပ်တည်လာခဲ့ပါတယ်။
အသက်တွေကြီးလာတဲ့အခါ သူကိုယ်တိုင်တောင်မမြင်ဖူးတဲ့ မြောက်ကိုရီးယားကမြေးဖြစ်သူကို
မသေခင်တွေ့သွားချင်တာကြောင့် အပူတပြင်းလိုက်ရှာပါတော့တယ်။
သူဌေးမရဲ့လက်ထောက်ကတော့ သခင်စိတ်ချမ်းသာပါစေ ဆိုတဲ့
ရည်ရွယ်ချက်နဲ့ ပြဇာတ်သရုပ်ဆောင်တစ်ယောက်ကို အစားထိုးဖို့ဖြစ်လာတဲ့အခါ…
ဘယ်လို အလှည့်အပြောင်းတွေဖြစ်လာမလဲ...
အညွှန်း
ဒုံဆူတစ်ယောက် ကိုယ်တွင်းအင်္ဂါကူးသန်းရောင်း၀ယ်ရေးအဖွဲ့ဆီမှာ
ပြန်ပေးဆွဲခံလိုက်ရပြီး မျက်လုံးတစ်ဖက်ပါ ဖောက်ထုတ်ခံခဲ့ရတယ်…
နောက်ပိုင်းကျ ဒုံဆူတစ်ယောက် တစ်စုံတစ်ခုကိုစတင်မြင်လာရတဲ့အခါ သူ့ရဲ့မျက်လုံးကို
တောင်ကိုးရီးယားတစ်နိုင်ငံလုံးကို လှုပ်လှုပ်ရွရွဖြစ်စေခဲ့တဲ့ ကွင်းဆက်လူသတ်သမားကို
အစားထိုးပေးလိုက်တာဖြစ်ကြောင်း နားလည်သဘောပေါက်သွားပြီး
လူသတ်သမားမြင်ရတာတွေကို အတူတူလိုက်မြင်နေရတဲ့ ဒုံဆူဟာ
နောက်ထပ်လူမသတ်နိုင်အောင်တားဖို့အတွက် အဲဒီလူသတ်သမားကို လိုက်ရှာပါတော့တယ်…
Jung HaeIn, Go KyungPyo နဲ့ Kim Hye Jun တို့ အဓိကပါဝင်သရုပ်ဆောင်ထားတဲ့
၆ပိုင်းပါရှိပါတယ်..
ဂျပန်ဒါရိုက်တာကြီး Takashi Miike က ရိုက်ကူးပေးထားပြီး Jung Hae in ရဲ့ သရုပ်ဆောင်ချက်အသစ်အဆန်းတွေကို
တွေ့မြင်ရဦးမဲ့ ဇာတ်ကားသစ်လေးဟာ ဒီနေ့ပဲ ၆ ပိုင်းလုံးထွက်ရှိသွားမှာဖြစ်လို့ စောင့်မျှော်ကြည့်ရှုပေးကြပါဦး….
