Country : China
Duration : 1h 20min
အညွှန်း
တရုတ်mysteryကားတွေထဲမှာ စိတ်ဝင်စား လူကြိုက်အများဆုံးtypeတွေထဲ တစ်ခုအပါအဝင်ဖြစ်တဲ့ ဂူသင်္ချိုင်းထဲက လျှို့ဝှက်ချက်ဖော်ထုတ်တဲ့ ရုပ်ရှင်လေးတစ်ကားဖြစ်တဲ့ The legend of Kunlunကို တင်ဆက်ပေးလိုက်ပါပြီ။(မင်မင့်လို kunlunမြင် သိုင်းကားမထင်နဲ့နော် မှားမယ်သဲတို့🤣)
ခွန်းလွန်တောင် ကောင်းကင်နဲ့မြေကြီးရဲ့အသက်သွေးကြောလို့ သတ်မှတ်ထားတဲ့မြေအောက်မြို့တော်တစ်ခု၊ နတ်မျိုးနွယ်တို့ပျော်စံရာဒီနေရာမှာ အမျိုးမျိုးသော အဖိုးတန်ပစ္စည်းတွေ မှော်ဝင်ပစ္စည်းတွေ ထားရှိပြီးတော့ ကျောက်မင်ကြေးမုံနဲ့သာ ဒီခွန်းလွန်မြို့ထဲကို ဝင်ရောက်နိုင်မယ်လို့ ဒဏ္ဍာရီအရ ပြောကြပါတယ်။ ဒီနေရာက သင်္ချိုင်းဂူရှာဖွေတဲ့လူတွေ ရှေးဟောင်းပစ္စည်းတွေ တပ်မက်ကြတဲ့ မှောင်ခိုဂိုဏ်းအသွယ်သွယ်ရဲ့ အိပ်မက်ဖြစ်ပါတယ်။ ဒါပေမဲ့ ဒီနေရာကိုဝင်ရောက်ချင်ရင်တော့ သင်္ချိုင်းဂူအမျိုးမျိုးကို နှံ့စပ်ကျွမ်းကျင်တဲ့ ဖာချိုးရဲ့မျိုးဆက်တစ်ယောက်တော့ အဖွဲ့ထဲပါမှဖြစ်မှာပါ။ ဒါပေမဲ့ တစ်နေ့မှာဖာချိုးရဲ့မျိုးဆက် ကျန်းမိသားစုဝင်တစ်ယောက်ဖြစ်တဲ့ ကျန်းယွိလင်ဟာ ဂျပန်အဖွဲ့တစ်ဖွဲ့နဲ့အတူ ခွန်းလွန်တောင်ကိုသွားရင်း တောင်ပေါ်မှာ တစ်ဖွဲ့လုံးရုတ်တရက်ပျောက်ဆုံးသွားတဲ့အခါ သားဖြစ်သူကျန်းဝမ်ဖုန်းဟာ အဖေဖြစ်သူရဲ့ ဖြစ်ကြောင်းကုန်စင်ကိုစုံစမ်းဖို့ရာ ကျောက်မင်ကြေးမုံကို လိုက်လံရှာဖွေပါတော့တယ်။
တစ်ဖက်မှာလည်း တစ်ချိန်က ဂျပန်အဖွဲ့ခေါင်းဆောင်ရဲ့တပည့်ဖြစ်သူ ချန်းယဲ့နဲ့အဖွဲ့ကလည်း တရုတ်ရှေးဟောင်းအမွေအနှစ်တွေကို ရှာဖွေပြီး ဂျပန်ကိုမှောင်ခိုသယ်ဖို့ ကြံစည်ရင်း ကျောက်မင်ကြေးမုံလိုက် ပြန်လိုက်ရှာရာက ကျန်းဝမ်ဖုန်းနဲ့ဆုံတဲ့အခါ၊ ကျန်းဝမ်ဖုန်းက သူတို့လိုအပ်နေတဲ့ ဖာချိုးရဲ့အသိပညာတွေကို ပိုင်ဆိုင်ထားသူကလည်းဖြစ်လေတော့ ဘာတွေဘယ်လိုဆက်ဖြစ်မလဲ။ ခွန်းလွန်တောင်ကိုသွားတဲ့လမ်းမှာ ဘယ်လိုအန္တရာယ်တွေက သူတို့ကိုစောင့်ကြိုနေမလဲ။ ကျန်းဝမ်ဖုန်းကရော အဖေဖြစ်သူရဲ့ဖြစ်ကြောင်းကုန်စဉ်ကို ရှာဖွေဖို့ကြိုးစားရင်း ဂျပန်မှောင်ခိုအဖွဲ့ကို တားဆီးနိုင်မလား။ ခွန်းလွန်တောင်မှာရော ဒဏ္ဍာရီထဲမှာလို မှော်ဝင်ပစ္စည်းတွေ တကယ်ပဲရှိနေသလားဆိုတာကတော့ ဒီ The legend of Kunlunဆိုတဲ့ရုပ်ရှင်လေးမှာသာ ကြည့်ရှုအဖြေရှာလိုက်ကြပါစို့လား။
0 comments:
Post a Comment