Country :India
Duration : 2h 58min
အညွှန်း
ချန်နိုင်းမြို့တော်မှာ လူသတ်မှု၊ လုယက်မှု၊ မူးယစ်ဆေးမှုတွေ တဖြည်းဖြည်းတိုးပွားလာပြီး မြို့နေလူထုအတွက် လုံခြုံရေးစိတ်မချရတဲ့အခြေအနေဖြစ်လာပါတယ်။ ပြည်သူတွေကလည်း အဲဒီအတွက်ဆန္ဒပြရင်း ရုန်းရင်းဆန်ခတ်တွေ ဖြစ်ခဲ့ပါတယ်။ တာ၀န်ရှိရဲမင်ကြီးကလည်း သူနဲ့အတူ ပြည်သူတွေကို ကာကွယ်ပေးမယ့် ပြည်သူ့ရဲစစ်စစ်ကို မျှော်လင့်နေပါတယ်။ တစ်နေတော့ ချန်နိုင်းက အခြေအနေကိုထိန်းသိမ်းဖို့အတွက် မက်ဒူရိုင်ကလက်ထောက်ရဲမင်းကြီး အာဂျွန်း ရောက်ရှိလာပါတယ်။
အများနဲ့မတူ တမူထူးခြားတဲ့ခံယူချက်၊ လုပ်နည်းလုပ်ဟန်အသစ်နဲ့ အရည်အချင်းပြည့်၀တဲ့ အာဂျွန်းဟာ အများကြားမှာ ပြည်သူ့ရဲအဖြစ်လည်း နာမည်ကြီးပါတယ်။ အဲဒီလိုနဲ့ အာဂျွန်းတစ်ယောက် ချန်နိုင်းမှာထင်တိုင်းကြဲနေတဲ့ ဆိုင်ကယ်လူဆိုးဂိုဏ်းရဲ့ မူးယစ်ဆေးမှုအပါအ၀င် ရာဇ၀တ်မှုပေါင်းစုံကို ဘယ်လိုခြေရာခံမလဲ၊ အန္တရာယ်များလှတဲ့ ရာဇ၀တ်ကောင်တွေကို သူဘယ်လိုရင်ဆိုင်သွားမလဲဆိုတာ ရင်တထိတ်ထိတ် ကြည့်ကြရမှာပါ။
တစ်ဖက်မှာလည်း အာဂျွန်းမှာ သားတွေအတွက် ပူပန်နေရတဲ့မိခင်၊ အလုပ်အကိုင်မရှိမူးရူးနေတဲ့ အစ်ကိုကြီး၊ အလုပ်မရနိုင်သေးတဲ့ ညီဖြစ်သူနဲ့ မိသားစုပြဿနာတွေကလည်း ရှိပါသေးတယ်။ အိန္ဒိယကားတွေရဲ့ထုံးစံအတိုင်း ဒရမ်မာလည်း ပေါင်းစပ်ထားတာကြောင့် ကြည့်ရူသူကို ရသမျိုးစုံပေးစွမ်းနိုင်မှာ ဖြစ်ပါတယ်။ အဲဒါကြောင့် ဇာတ်အိမ်ခိုင်ခိုင်နဲ့ ဇာတ်လမ်းကောင်းကောင်မျိုး ကြည့်ချင်သူတွေအတွက် ညွှန်းပေးလိုက်ပါရစေ။
0 comments:
Post a Comment