The Half of It (2020)

Rating : 7.2/10
Country : United State
Genre : Comedy, Romance
Cast : Leah Lewis, Enrique Murciano, Becky Ann Baker 
Released Date : 2020
Duration : 1h 44min

တစ်လောက နန်းဆုရတီစိုးရဲ့ ရည်းစားစာ တင်ထားတဲ့ Post ကို သိကြမယ်ထင်ပါတယ်။

ခုခေတ်မှာ ရည်းစားစာရေးတာ သိပ်တော့ မရှိတော့ပေမယ့် အဲ့ခံစားချက်ကလည်း တစ်မျိုးလေး ရင်ခုန်စရာကောင်းပါတယ်။

Netflix ရဲ့ မေလ 1 ရက်နေ့ကမှ အသစ်စက်စက် ထွက်လာတဲ့ ‌အထက်တန်းကျောင်း အချစ်ဇာတ်လမ်းလေးနဲ့ မိတ်ဆက်ပေးပါရစေ။

ထုံးစံအတိုင်း သုံးပွင့်ဆိုင်ဇာတ်လမ်းလေးပေါ့။ ဇာတ်လမ်းက အဆန်းကြီးမဟုတ်ပေမယ့် တစ်ခါတစ်လေ ရိုးရိုးလေးကပဲ ဆန်းဆန်းကြီး ဖြစ်နေတာမျိုးပေါ့။

ဇာတ်လမ်းကတော့ အယ်လီချူး ဆိုတဲ့ တရုတ်မလေးက ကျောင်းမှာ သူငယ်ချင်းတွေရဲ့ Assignment တွေကို ကူပေးရင်း ၀င်ငွေရှာနေတာပေါ့။

တစ်နေ့တော့ ပေါလ်ဆိုတဲ့ ချာတိတ်က အတန်းထဲက အချောအလှလေး အက်စတာ ကို သဘောကျလို့ အယ်လီချူးကို ရည်းစားစာရေးပေးဖို့ တောင်းဆိုတယ်။ အစက လက်မခံပေမယ့် အိမ်ရဲ့ လျှပ်စစ်မီးဖိုးပေးဖို့ $50 လိုတာကြောင့် အယ်လီချူးက စာတစ်စောင်ကို $50 နဲ့ ရေးပေးမယ်လို့ သဘောတူလိုက်ပါတယ်။

ဇာတ်လမ်းက အဲ့ကနေစပြီး အူကြောင်ကြောင်နိုင်တဲ့ ပေါလ် တစ်ယောက် အက်စတာနဲ့ အဆင်ပြေသွားမလားဆိုတာကိုတော့ အယ်လီချူးရဲ့ အစွမ်းအစပေါ် မူတည်သွားတာပေါ့။

ရည်းစာစာပေးတဲ့ခေတ် 2013 အရှေ့ပိုင်းလောက်ကို ပြန်ရောက်သွားသလို ခံစားရမှာပါ။ ကိုယ်ကိုယ်တိုင်တောင် ကြည့်နေရင်း ပြုံးမိပြီး အတိတ်ကိုတောင် ပြန်သတိရသလိုပဲ။ မျက်ရည်တောင်စို့လာတဲ့အထိပဲ။ တိုက်ဆိုင်သွားလို့ပါ။

ရည်းစားစာပေးဖူးတဲ့ ခံစားချက်ကို အပြည့်အ၀ ပြန်ယူလာပေးနိုင်တာမို့ ရည်းစားစာ ပေးဖူးတဲ့သူတိုင်း၊ ရည်းစားစာ ရဖူးတဲ့သူတိုင်း ဒီကားလေးကို ကြည့်ပြီး အတိတ်ကို ပြန်လွမ်းလို့ရတာပေါ့။