Country : India
Duration : 1h 40min
အညွှန်း
Madhuram ဆိုတာ ချိုမြိန်မှုဆိုတဲ့ အဓိပ္ပါယ်မျိုးပါတဲ့။ ဘ၀မှာ ချိုမြိန်မှုရှိတာကောင်းပေမဲ့ ချိုလွန်းရင်လည်း ဘေးထွက်ဆိုးကျိုးရှိတတ်ပါတယ်။ ဘယ်အရာမဆို ချို၊ ချဉ်၊ ငံ၊ ဖန်၊ စပ်၊ ခါး မျှတနေမှ ကောင်းတာပါ။ ဒီဇာတ်လမ်းမှာလည်း
သာမန်လူတွေကြားက ချိုမြိန်တဲ့ချစ်ခြင်းမေတ္တာ၊ မိသားစုဘ၀တွေကို ရသစုံလင်စွာ ခပ်ရိုးရိုးလေးတင်ဆက်ထားတာပါ။
ဆာဘူဆိုတဲ့ လူရိုးကြီးတစ်ဦးရဲ့ချစ်တဲ့သူကို
ပိုးပမ်းပုံ၊ ဒန်ပေါက်ကနေ အစပြုလာတဲ့ သူတို့ရဲ့ ဒန်ပေါက်ဖူးစာကို ကြည်နူးစရာကြည့်ရမှာဖြစ်သလို၊ ဘ၀အလှည့်အပြောင်းတွေကြားမှာ သူတို့နှစ်ဦးချစ်ခြင်းမေတ္တာဟာ ဘယ်လိုအစမ်းသပ်ခံရဦးမလဲ…။ အိမ်ထောင်ကျကတည်းက မိန်းမပြုစုတာ ခံလာရပြီး မိန်းမနေထိုင်မကောင်းချိန်မှာ သူကတဖန်ပြန်ပြုစုရတာကို ပျော်နေတဲ့ ဦးလေးရာဗီ…၊ နှစ် ၄၀ အိမ်ထောင်သက်မှာ တစ်ခါမှ ခွဲမနေဘူးကြောင်း ဂုဏ်ယူစွာ ပြောတတ်သူ၊ သူတို့ဇနီးမောင်နှံကရော အရင်လိုမခွဲမခွာ ပြန်နေခွင့်ရမှာလား…။ မိဘပေးစားလို့ယူပြီး မိဘကြောင့်ပဲ ကွာရှင်းရတော့မလိုဖြစ်နေတဲ့ ကယ်ဗင်နဲ့ချယ်ရီတို့ဇနီးမောင်နှံကရော ဘာတွေဆက်ဖြစ်မှာလဲ…။
အဲဒီလို ချစ်တဲ့သူတွေကို ဆေးရုံစောင့်ပေးနေကြတဲ့ ဆာဘူတို့မိတ်ဆွေတစ်စုရဲ့ ဘ၀အစုံကို သဘာ၀ကျကျ ခပ်ရိုးရိုးပုံဖော်ထားတာဖြစ်ပါတယ်။ ဘ၀ရသနဲ့ ခံစားချက်အဖုံဖုံကို တွေ့မြင်ရမှာဖြစ်သလို အိန္ဒိယရိုးရာ အစားအသောက်တွေကလည်း သွားရည်ယိုချင်စရာပါပဲ။
0 comments:
Post a Comment