Country : India
Duration : 2h 22min
အညွှန်း
ဒီတစ်ခါမှာတော့ ကိုယ့်ထက်သာရင်မနာလိုတတ်တဲ့လူတွေရဲ့စိတ်ထား,မိဘတွေရဲ့သားသမီးအပေါ်ထားတဲ့ချစ်ခြင်းမေတ္တာ,လူငယ်နှစ်ယောက်ကြားကအချစ်ရေးပြသနာစတဲ့ လူမှုရေးရာအဖြာဖြာနဲ့ရသမျိုးစုံကို ကြည့်ရူခံစားနိုင်မယ့် ဇာတ်လမ်းသစ်လေးကို မိတ်ဆက်ပေးချင်ပါတယ်။
ဂိုပလမ်က သူ့ရဲ့သမီးဖြစ်သူ(ပက်ဒူး)ကို ယုံကြည်ပြီးတော့ဒီသမီးအတွက်နဲ့ အတော်လေးလည်း ဂုဏ်ယူနေတဲ့အဖေတစ်ယောက်ပါ၊ဒါပေမဲ့ တခြားအဖေတွေလိုမျိုး ကိုယ့်ရဲ့သမီးကိုလမ်းမှားမရောက်စေချင်တဲ့စိတ်,ကောင်းစားစေချင်တဲ့စိတ်နဲ့အတူ သူ့ရဲ့မသိစိတ်ထဲမှာတော့ အမြဲသံသယလွန်ပြီးပူပန်နေတတ်တဲ့သူလည်း ဖြစ်ပါတယ်၊ သူ့ရဲ့သမီးဖြစ်သူအတွက် အမြဲဂုဏ်ယူ၀မ်းမြောက်နေတဲ့ ဂိုပလမ်ကိုသူ့ရဲ့မိတ်ဆွေဖြစ်သူနှစ်ယောက်က ဂိုပလမ်ရဲ့သမီးဖြစ်သူက ကောင်လေးတစ်ယောက်နဲ့တွဲနေပါတယ်ဆိုတဲ့အချက်နဲ့ သွေးထိုးပြီးသံသယ၀င်လာအောင်လုပ်ခဲ့ပါတော့တယ်၊အရွယ်ရောက်ပြီဖြစ်တဲ့သမီးဖြစ်သူမှာ ချစ်သူရည်းစားရှိတာကမဆန်းပေမယ့် ဘေးစကားတွေကြောင့် ဂိုပလမ်ရဲ့သမီးဖြစ်သူအပေါ်မှာထားတဲ့ ယုံကြည်စိတ်တွေက သံသယစိတ်တွေအဖြစ်ပြောင်းလဲလာခဲ့ပါတော့တယ်။
ဂိုပလမ်တစ်ယောက် သူ့ရဲ့သံသယစိတ်တွေကိုအနိုင်ယူပြီး သူ့သမီးဖြစ်သူနဲ့အရင်လို ဆက်ဆံရေးတစ်ခုကိုပြန်ရယူနိုင်ပါ့မလား၊ပက်ဒူးတစ်ယောက်ကရော သူ့အပေါ်မှာမယုံကြည်တော့တဲ့ သူ့အဖေဖြစ်သူနဲ့သူ့ရဲ့အချစ်ရေးကို ဘယ်လိုမျိုးဖြေရှင်းမလဲ…ရသစုံခံစားရမယ့်ဇာတ်လမ်းသစ်လေးကို အခုပဲကြည့်ရူခံစားလို့ရအောင် တင်ဆက်ပေးလိုက်ရပါတယ်။
0 comments:
Post a Comment