Country : United State
Duration : 1h 39min
အညွှန်း
Review ကောင်းတွေနဲ့ IMDb rating 7.4 ရရှိထားတဲ့ အမေရိကန်ကျေးလက်အက်ရှင်ဇာတ်လမ်းကောင်းတစ်ပုဒ်နဲ့ မိတ်ဆက်ပေးပါရစေ။ ၁၉ ရာစုနဲ့ ၂၀ ရာစု အစောပိုင်းကာလကို နောက်ခံထားပြီး အမေရိကန်ကျေးလက်က မြင်းစီးသေနတ်ပစ်ခန်းတွေ၊ cowboy ဆန်ဆန်ဇာတ်ကောင်တွေကို တွေရလေ့ရှိတဲ့ Western film မျိုး ဖြစ်ပါတယ်။
လူနေကျဲပါးတဲ့ အမေရိကန်ကျေးလက်ဒေသတစ်နေရာမှာ Henry လို့ခေါ်တဲ့ မုဆိုးဖိုလယ်သမားအိုကြီးနဲ့ သားဖြစ်သူ Wyatt တို့ နေထိုင်ပါတယ်။ တစ်နေ့မှာ သူတို့သားအဖနေထိုင်ရာကို သေနတ်ဒဏ်ရာနဲ့လူတစ်ယောက် ရောက်လာရာကစပြီး ပြဿနာတွေအစပျိုးပါတော့တယ်။ သေနတ်ဒဏ်ရာနဲ့ရောက်လာသူ Carry က သူ့ကိုယ်သူ နယ်မြေရဲအရာရှိအဖြစ်ပြောသလို သူ့နောက်လိုက်လာသူတွေကလည်း နယ်မြေရဲအရာရှိလို့ ဆိုလာပြန်ပါတယ်။ သူတို့နှစ်ဖက်မှာ တစ်ဖက်ကတော့ ဘဏ်ဓားပြတွေပါ။ ဒီအရှုပ်အရှင်းတွေထဲ မထင်မှတ်ဘဲပါလာရတဲ့ Henry အနေနဲ့ ဘယ်သူအမှန်လဲဆိုတာ ဆုံးဖြတ်ရမယ့်အခြေအနေ ရောက်လာပါတယ်။
ဇာတ်လမ်းနာမည်အတိုင်း အဘိုးကြီး Henry အကြောင်းကို အခြေတည်ပြီး၊ လူသူဝေးတဲ့ကျေးလက်တစ်နေရာမှာ ဇာတ်မြှုပ်နေထိုင်နေတဲ့ လျှို့ဝှက်ဆန်းကြယ်တဲ့ လယ်သမားကြီးရဲ့ဘ၀၊ သားဖြစ်သူအပေါ် ကြမ်းကြမ်းတမ်းတမ်း ဆက်ဆံတတ်ပေမဲ့ သားကိုအရမ်းချစ်တဲ့ အဖေတစ်ယောက်အဖြစ် ပုံဖော်ရိုက်ကူးထားပါတယ်။
နောက်ပိုင်းမှာတော့ Henry တစ်ယောက် ဆုံးဖြတ်ချက်မှန်ကန်ပါ့မလား၊ တကယ့်လူဆိုးအစစ်က ဘယ်သူဖြစ်မလဲ၊ သူတို့သားအဖရဲ့ ပါ၀င်ပတ်သက်မှုက နောက်ဆက်တွဲ ဘာတွေကြုံလာရမလဲဆိုတာကို စိတ်၀င်စားစရာ ဆက်လက်ကြည့်ရှုကြရမှာပါ။
0 comments:
Post a Comment