Country : India
Duration : 2h 16min
အညွှန်း
အိန္ဒိယအက်ရှင်ကောင်းကောင်း ကြိုက်နှစ်သက်သူတွေအတွက်
ကြည့်လို့ကောင်းမယ့် ဇာတ်ကားတစ်ခုပါ။
ရုပ်ရှင် ဒါရိုက်တာ ကာဘီ ဟာ သူခိုးဓါးပြတွေရဲ့
အကြောင်းကို အခြေခံထားတဲ့ Gun Triology ဆိုတဲ့
အခန်းဆက်ရုပ်ရှင်အများအပြားရိုက်ကူးပါတယ်။သူ့ရဲ့ ရိုက်ကူးခဲ့တဲ့ရုပ်ရှင်တွေအကုန်လုံးဟာ
လည်း အောင်မြင်ကြတာချည်းပါပဲ။သူ့ရဲ့ ရုပ်ရှင် ၃ပိုင်းမြောက်ကို ရိုက်ကူးဖို့ မလေးရှားကို
သွားတဲ့အခါမှာ လန်ဒန်က ဒါရိုက်တာမလေး အေးရှာ နဲ့တွေ့ဆုံမိပါတယ်။
ကာဘီနဲ့ အေးရှာ လဲ ခင်မင်သွားပြီး မကြာခင် ချစ်သူတွေဖြစ်သွားကြတယ်
။အေးရှာက ကာဘီရဲ့ သဘောထားတွေကို သိလာတဲ့အခါမှာ
လမ်းခွဲခဲ့ပြီးတော့ လန်ဒန်ကို ပြန်လာခဲ့တယ်။
အငြင်းခံရလို့ စိတ်ဓါတ်ကျနေတဲ့ ကာဘီလဲ ရုပ်ရှင်ကို
ဆက်မရိုက်နိုင်တော့ဘဲ မွန်ဘိုင်းကိုပြန်လာခဲ့တယ်။
နောက်ပိုင်းအကြိမ်ကြိမ်ပြန်ရိုက်ကူးခဲ့ပေမဲ့ ကာဘီဟာ
သူရဲ့ ရုပ်ရှင်အထွတ်အထိပ်ကိုစိတ်ကျေနပ်မှုမ ရရှိသေးပါဘူး။
ဒါနဲ့ပဲ သူ့လက်ထောက် မီးရာရဲ့ အကြံအရ အေးရှာရဲ့ ရုပ်ရှင်ပြသတဲ့
ရုပ်ရှင်ပွဲတော်မှာ အကဲဖြတ်အနေနဲ့ တက်ရောက်ခဲ့ပါတယ်
။အေးရှာ ကတော့ ကာဘီဟာ သူမနောက်ကို လိုက်နေတယ်လို့ထင်ပြီး
သူ့မ ဘဝထဲက ထွက်သွားပေးဖို့ ပြောခဲ့ပါတယ်။
ကာဘီရဲ့ အဖေသေဆုံးပြီးနောက်ပိုင်း သူ့ရုပ်ရှင် ပါတနာတွေနဲ့
အဆင်မပြေတာတွေဖြစ်လာပြီး
သူ့ရုပ်ရှင်ကို ပြီးဆုံးအောင် ရိုက်ဖို့ ဆုံးဖြတ်ခဲ့တယ်။
တဖက်မှာ လျှို့ဝှက်ပြီး ရဲတွေလဲ ဖမ်းမမိ လူတွေသိပ်မသိတဲ့
ရွိုင် ဆိုတဲ့ ပန်းချီကားသူခိုး တယောက်ရှိနေပါတယ်။
သူ့ဟာ တီယာဆိုတဲ့ မိန်းမလှလေးပိုင်ဆိုင်တဲ့ ဈေးကြီးတဲ့ ပန်းချီကားတချပ်ကို
ခိုးဖို့ ရောက်လာပါတယ်။ရွိုင်ဟာ တီယာ့ကို အမျိုးမျိုး သိမ်းသွင်းပြီး
ခင်မင်အောင် ပေါင်းထားလိုက်ပါတယ်
အချိန်ကောင်းရောက်တာနဲ့ ရွိုင်က ပန်းချီကားကို
ခိုးပြီး တီယာ့ကို ထားခဲ့ပါတယ်။
ဒါပေမဲ့ သူဟာ တီယာ့ကိုချစ်နေမိပြီဆိုတာ သိတဲ့နောက်
သူမအနားပြန်ရောက်ဖို့ ပန်းချီကားကို ပြန်ခိုးပြီး ပေးဖို့လုပ်ခဲ့ပါတယ်။
ဒီလို မတူညီတဲ့ အချစ်ဇာတ်လမ်း ၂ခုဟာ နောက်ပိုင်းမှာ
ဘာတွေဆက်ဖြစ်ကြမလဲ သူတို့တွေ ပြန်ပေါင်းစည်းနိုင်ကြမှာ
လားဆိုတာတော့ ဆက်လက်ကြည့်ရှုကြပါလို့
0 comments:
Post a Comment