The Retreat (2021)

 

Rating : 4.5/10
Country :United State

Genre : Horror, Thriller 

Released Date : 2021
Duration : 1h 22min

အညွှန်း

ဒီဇာတ်လမ်းလေးမှာတော့ မြို့ပြရဲ့မွန်းကြပ်မှုတွေကို ဖြေဖျောက်ဖို့အတွက် ကျေးလက်ဒေသကို အားလပ်ရက်ခရီးထွက်လာခဲ့တဲ့ lesbian အတွဲလေးတစ်တွဲအကြောင်းကို ရိုက်ကူးထားတာပဲဖြစ်ပါတယ်။ သူတို့ရဲ့မိတ်ဆွေတွေဖြစ်တဲ့ ဂေးစုံတွဲတစ်တွဲဖွင့်ထားတဲ့ ဟိုတယ်မှာတည်းရင်း သူတို့ရဲ့မိတ်ဆွေတွေနဲ့လည်း အချိန်တွေကို အတူတကွကုန်ဆုံးကြဖို့ စီစဉ်ထားတာပဲဖြစ်ပါတယ်။

ဒါပေမယ့် သူတို့ရဲ့အားလပ်ရက်ခရီးလေးက စီစဉ်ထားသလိုတော့ ဖြစ်မလာခဲ့ပါဘူး။ ဟိုတယ်ကိုရောက်တော့ ကြိုဆိုသူမဲ့နေတာကို တွေ့လိုက်ရတယ်။ အဲဒါနဲ့နှစ်ယောက်သား ကားပေါ်ကပစ္စည်းတွေကို နေရာချပြီး သူတို့ရဲ့မိတ်ဆွေ ဂေးအတွဲကို အနီးနားတစ်ဝိုက်မှာ လိုက်ရှာရင်း ပတ်ဝန်းကျင်ကိုလေ့လာဖို့ ဟိုတယ်ကနေထွက်လာခဲ့ကြတယ်။ အဲဒီအချိန်ထိ သူတို့နှစ်ယောက်ဟာ သူတို့ရဲ့အားလပ်ရက်ခရီးလေးဟာ ဘယ်တော့မှမမေ့နိုင်တဲ့ ထိတ်လန့်ကြောက်ရွံစရာ အဖြစ်အပျက်တွေနဲ့ ကြုံရမယ်ဆိုတာမျိုး မသိခဲ့ကြဘူးပေါ့။

ဒါပေမယ့် ဟိုတယ်ကိုပြန်ရောက်ပြီး သိပ်မကြာခင်မှာပဲ လူတစ်စုရဲ့လိုက်ဖမ်းတာခံရလို့ ထွက်ပြေးရပါတော့တယ်။ အဲဒီလူတွေက ဘယ်သူတွေလဲ သူတို့နှစ်ယောက်ကိုရော ဘာလို့လိုက်ဖမ်းနေတာလဲ.. သူတို့မိတ်ဆွေနှစ်ယောက် ပျောက်ဆုံးမှုကရော ဒီလူတွေနဲ့ပက်သတ်နေမလား.. သူတို့နှစ်ယောက်ကရော ဒီလူတွေလက်က လွတ်မြောက်နိုင်မှာလား.. နောက်ပိုင်းမှာရော ဘာတွေဆက်ကြုံရအုံးမှာလဲ.. ဆိုတာကိုတော့ ဆက်လက်ကြည့်ရှုလိုက်ကြပါအုံးနော်