The Last Paradiso (2021)

 

Rating : 5.5/10
Country : United State
Genre : Romance, Drama
Cast : Riccardo Scamarcio, Gaia Bermani Amaral, Massi Furlan
Released Date : 2021
Duration : 1h 47min

အညွှန်း

ဒီတစ်ခါမိတ်ဆက်ပေးချင်တာကတော့ Italian Netflix film လေးတစ်ခုဖြစ်တဲ့ The Last Paradiso ပါ။ ဇာတ်လမ်းလေးကတော့ 1950 ခုနှစ်ဝန်းကျင်လောက် အီတလီနိုင်ငံရဲ့ကျေးလက်လေးတစ်ခုကို အခြေခံပြီးရိုက်ကူးထားတဲ့ melodrama ကောင်းလေးတစ်ကားပါ။ အဓိကဇာတ်ဆောင်နှစ်ယောက်ဖြစ်တဲ့ Ciccio Paradiso နဲ့ Bianca Schettino တို့ဟာ တစ်ယောက်ကိုတစ်ယောက်အရမ်းချစ်ကြတဲ့ စုံတွဲတွေပေါ့။

စိုက်ပျိုးရေးကို အဓိကထားလုပ်ကိုင်ကြတဲ့ကျေးရွာလေးမှာ ရွာသူရွာသားအားလုံးက သံလွင်သီးကိုအဓိကထား စိုက်ပျိုးကြပါတယ်။ ဒါပေမယ့် ဆင်းရဲတဲ့လူတွေက ပိုအနိုင်ကျင့်ခံ ခေါင်းပုံဖြတ်ခံရတဲ့ထုံးစံအတိုင်း ကျေးရွာထဲမှာ တရားမျှတမှုဆိုတာမရှိသလောက်ကို လူချမ်းသာတွေကချည်းခြယ်လှယ်ချင်သလိုခြယ်လှယ်နေကြတယ်။ မတရားမှုဆို ခေါင်းငုံ့မခံတတ်တဲ့ Ciccio ကဖြစ်သမျှပြဿနာတိုင်းသူဝင်ပါပြီး အခွင့်သင့်ရင်သင့်သလို ဒီရွာလေးကနေထွက်သွားဖို့ကြိုးစားနေခဲ့သူပါ။

ဇာတ်လမ်းလေးရဲ့ အဓိကဆွဲဆောင်မှုကတော့ ဇာတ်ဆောင်ဖြစ်တဲ့ Ciccioဟာ ရာနှုန်းပြည့်လူကောင်းတစ်ယောက်မဟုတ်ပါဘူး။ သူဟာ Lucia ဆိုတဲ့ဇနီးနဲ့ သားလေးတစ်ယောက်ရှိရက်နဲ့ အိမ်ထောင်ရေးဖောက်ပြန်နေသူတစ်ယောက်ပါ။ ဒီလို စိတ်ရင်းကောင်းပေမယ့်ကိုယ့်ကျင့်တရားမကောင်းတဲ့ လူတစ်ယောက်ရဲ့အဆုံးသတ်က ဘာဖြစ်မလဲ .. အိမ်ထောင်သည်တစ်ယောက်ကိုမှ ချစ်နေမိတဲ့ Bianca ကရော ပျော်ရွှင်စရာဘဝကိုပိုင်ဆိုင်ရပါ့လား .. နှစ်မိသားစုရဲ့ မိသားစုအရှုပ်အထွေးပြဿနာတွေကရော ဘာတွေဖြစ်မလဲဆိုတာကိုတော့ ဒီဇာတ်လမ်းလေးမှာပဲဆက်လက်ရှုစားပေးပါဦးနော်။