ယောက်ျား … မနာဘူးကွလို့ ပြောကြတယ်မဟုတ်လား အင်းဗျာ သူတို့ကို ဘာပြန်ပြောရမလဲ ?
မနာမကျင်ဘူးဆိုတာ စူပါပါဝါတော့မဟုတ်ဘူး
ရောဂါတစ်မျိုးပါ ။
ဘာကြောင့်လဲဆိုတော့ အဲ့ဒိရောဂါကို ကျွန်တော်ခံစားနေရလို့ပဲ 😊
ကျွန်တော့်နာမည်ဆူရီယားပါ ။
မွေးရာပါ ဝေဒနာကိုမခံစားနိုင်တဲ့ရောဂါဖြစ်နေတယ်ဗျ ။
ဦးနှောက်အာရုံကြောနဲ့ဆိုင်တဲ့ရောဂါပဲ၊ ရှားပါးရောဂါပေါ့
နောက်မှ ဂူးဂဲလ်မှာရှာကြည့်လိုက် ကလေးသေးသေးလေးဘဝကတည်းက တခြားကလေးတွေနဲ့မတူဘဲ ကျွန်တော်ဟာ နာကျင်မှုကိုဘာမှန်းမသိရတဲ့အတွက် အိပ်ရင်တောင် ခြေတွေ လက်တွေကြိုးတုပ် မျက်မှန်ကြီးတပ်ပေးထားကြတာဗျ ။
တခြားကလေးတွေဟာ သိသင့်သိထိုက်တာတွေကို သင်ကြားနေရတဲ့အချိန်မှာ ကျွန်တော်ကတော့ ထိခိုက်မှုတစ်ခုဖြစ်တိုင်း “အို့” လို့အသံထွက်ဖို့ကို လေ့ကျင့်နေရတယ် ..
ဘယ်နေရာကိုပဲထိခိုက်ထိခိုက် အို့လိုအော်ပြရတယ် ..
ဒါပေမဲ့ နာလို့တော့မဟုတ်ပါဘူး ။
အဲ့ဒိလိုထူးဆန်းတဲ့ကျွန်တော်ဟာ အဖိုးကျေးဇူးနဲ့ အက်ရှင်ကားတွေအများကြီးကြည့်ခွင့်ရပြီး နာမည်ကျော်ဖိုက်တာတစ်ယောက် ဖြစ်ချင်ခဲ့တယ် ..
လူတစ်ရာကို အနိုင်ဖိုက်တဲ့ကရာတေးသမားကြီးရဲ့ ဗီဒီယိုမှတ်တမ်းကိုကြည့်ပြီး တချိန်ကျရင် ကရာတေးဆရာကြီးဖြစ်ရမယ်လို့ ကြွေးကြော်ခဲ့ပါတယ် ..
အဲ့ဒိလိုနဲ့နှစ်တွေကြာလာတဲ့အခါ ကျွန်တော်ဖြစ်ချင်တဲ့ရည်မှန်းချက်အနောက်ကိုလိုက်ရင်း ဘယ်လောက်တွေကြမ်းပြမလဲဆိုတာ အားလုံးပဲဆက်ကြည့်လိုက်ကြပါတော့ …
Bollywood ကားကောင်းတွေမျှော်နေတဲ့ပရိသတ်ကြီးအတွက်တော့ ဒီကားဟာ လက်လွတ်မခံသင့်တဲ့ကားကောင်းတစ်ကားပါပဲ
ဟာသ/ အက်ရှင်ကားဖြစ်တဲ့အတွက်ကြောင့် မိသားစုနဲ့ပါ အေးအေးလူလူကြည့်လို့ရပါတယ် ..
ဒါပေမဲ့ ချာတိတ်တွေကိုတော့ ဒီကားပြပြီးရင် ဂရုစိုက်ပါနော်
ဒီဇာတ်ကားထဲက ဆူရီယားလိုလိုက်လုပ်နေကြရင် ဒုက္ခရောက်ပါလိမ့်မယ် ..
ဘာလို့ဆို ကျွန်တော်တို့က ယောက်ျားပေမယ့် နာကျင်တတ်ကြလို့ပါ ….
0 comments:
Post a Comment