Rating : 6.8/10
Country : United State
Genre : Drama, Fantasy
Cast : Brad Pitt, Sean Penn, Jessica Chastain
Released Date : 2011
Duration : 2h 19min
Country : United State
Genre : Drama, Fantasy
Cast : Brad Pitt, Sean Penn, Jessica Chastain
Released Date : 2011
Duration : 2h 19min
အညွှန်း
ပြောရမယ်ဆိုရင် ဒီရုပ်ရှင်နဲ့ ကျွန်တော်နဲ့ကြားမှာ
တံတိုင်းကြီးတစ်ခုခြားထားတယ်။အဲ့ဒီတံတိုင်းက
ခရစ်ယာန်ဘာသာရေးပါပဲ။ ဒီရုပ်ရှင်ရဲ့ အဓိက
Conceptက ဘာသာရေးဆိုတော့ ဒါကို ဖယ်ပြီး
ခံစားဖို့အတော်ခက်တယ်။ ကောင်းလားမေးရင်လည်း
ဒီရုပ်ရှင်ဟာ အတော်တန်းမြင့်တဲ့အထဲထည့်လို့ရတဲ့
အထိကောင်းတယ်။ အတော်အနုပညာဆန်တယ်။
အပေါ်မှာပြောထားတဲ့ ဘာသာရေးတွေ
ဘာသာစကားတွေကို ဖယ်ကြည့်လိုက်ရင်
ကျွန်တော်တို့အားလုံးဟာ နှလုံးသားကိုယ်စီရှိကြတဲ့
တူညီတဲ့လူသားတွေပါပဲ။ ဒီတော့ ဒီထဲက
အဓိက Conceptမဟုတ်တဲ့ မိသားစုဆက်ဆံရေးထဲက
အတော်လှတဲ့ ချစ်ခြင်း ပဋိပက္ခတွေကို ပြသွားတဲ့
ပုံတွေကို အပြည့်အ၀ခံစားလို့ရတယ်။
အဓိက Conceptမဟုတ်တာနဲ့တောင်
ဒီရုပ်ရှင်ဟာ အတော်လေးစွဲမက်ဖို့ကောင်းတယ်။
စကားပြောသံတွေက မသဲမကွဲတွေ
စကားပြောနေရင်းတောင် တစ်ချိန်လုံးနီးပါး
ကြားနေရတဲ့ဂန္တ၀င်ဂီတတွက စကားပြောသံထက်ပို
စူးရှနေတယ်။ ဒါကလည်းအတော်ဆွဲဆောင်မှု
ရှိတယ်ပြောရမယ်။ စကြ၀ဠာကနေ သားလောင်းအထိ
လှပတဲ့ (ခရစ်ယာန်စကားနဲ့ဆို ဖန်ဆင်းမှု)တွေကို
ထည့်သုံးသွားတာကလည်း သက်ဆိုင်သူတွေအတွက်
တကယ်ခံစားရစေမယ့်အရာပါပဲ။Tree of
Lifeဆိုတဲ့နာမည်လှလှလေးနဲ့လိုက်ဖက်အောင်ကို
ဒီရုပ်ရှင်ထဲက အရာအားလုံးကလှပတယ်။
Castတွေကလည်း Aတန်း၀င် Actorတွေ
ဘရက်ပစ် ရှောင်ပင်းန်။ ဘာရည်ရွယ်ချက်နဲ့လဲတော့
မသိပေမယ့် အသက်ခြောက်ဆယ်ရှိပြီဖြစ်တဲ့
ရှောင်ပင်းန်ကို ငါးဆယ့်ခြောက် ဘရက်ပစ်ရဲ့
သားလုပ်ပစ်ထားတာကတော့ တစ်မျိူးပါပဲ။
ရှောင်ပင်းန်အခန်းတွေမှာတော့ ဘာမှထူးထူးခြားခြား
သိပ်မရှိပေမယ့် ဘရက်ပစ်ကတော့ တကယ့်ဘ၀မှာ
ကလေးတွေအများကြီးရဲ့ အဖေဖြစ်နေတာရော
ဇာတ်ကောင်လိုက်ဖက်မှုကြောင့်ရော
ဖခင်အစစ်တစ်ယောက်လိုခံစားရစေတယ်။
သူမဟုတ်ဘဲ တခြားလူသာဆို ဒီလောက်
လှမယ်မထင်မိဘူး။ ဇာတ်လမ်းအကျဉ်းပြောဖို့
မလိုလောက်အောင် ဇာတ်လမ်းက အရမ်းရိုးရှင်းတယ်။
ဒီဇာတ်လမ်းရိုးရိုးလေးကို မပျင်းရအောင်
ရိုက်ပြသွားတဲ့ ဒါရိုက်တာရဲ့ အရည်အချင်းကိုလည်း
မချီးကျူးဘဲထားလို့မရဘူး။သူကလည်း
ခရစ်ယာန်ယုံကြည်သူစစ်တစ်ယောက်မဟုတ်ဘူး။
ဒါပေမယ့် အခမ်းနားဆုံးဖြစ်သွားအောင်ရိုက်ခဲ့တယ်။
ဒါက သူ့အနုပညာအပေါ်သူထားတဲ့ စေတနာပဲ
ထင်တယ်။ အေးအေးဆေးဆေးအချိန်ရမှ
ကြည့်ပြီး အသံတွေကို စပီကာနဲ့နားထောင်ပြီး
ကြည့်ကြည့်ဖို့တော့ အကြံပေးချင်တယ်။
Arthouseဆန်တဲ့ ရုပ်ရှင်ကြိုက်တဲ့လူတွေအတွက်
အတော်ခံစားလို့ကောင်းမှာ မလွဲမသေပါပဲ။
Tree of Lifeဟာ 2011ရဲ့ Top 10စာရင်း၀င်တဲ့အပြင်
BBCစစ်တမ်းမှာ Gratest American Filmလည်း
ဖြစ်ခဲ့တယ်။2000ခုနှစ်နောက်ပိုင်း ခုနှစ်ကားမြောက်
အကောင်းဆုံးရုပ်ရှင်အဖြစ်လည်း သတ်မှတ်ခံခဲ့ရတယ်
အော်စကာ ဆန်ခါတင်သုံးခါ၀င်ခဲ့တယ်။ဒီလောက်လှတဲ့
ရုပ်ရှင် အော်စကာတစ်ဆုမှမရခဲ့တာတော့
နှမြောစရာပါပဲ။
0 comments:
Post a Comment