Winter's Bone (2010)

Rating : 7.2/10
Country : United State
Genre : Drama, Mystery 
Cast : Jennifer Lawrence, John Hawkes, Garret Dillahunt 
Released Date : 2010
Duration : 1h 40min

အညွှန်း

အကိုကြီး အဖရာ အမကြီး အမိရာဆိုသလို မိသားစု တစ်စုမှာ အကြီးဆုံးဖြစ်ရတာ မလွယ်လှပါဘူး။အမေကလည်း ကျန်းမာရေးမကောင်း ၊ မူလတန်းကျောင်းနေအရွယ် မောင်လေးနဲ့ ညီမလေး ၊

အဖေဖြစ်သူကလည်း မူးယစ်ဆေးရောင်းဝယ်မှု့နဲ့ တရားရင်ဆိုင်နေရတာကြောင့် တစ်အိမ်လုံးရဲ့စားဝတ်နေရေးကရီခ်ဒီုလီဆိုတဲ့ ကောင်မလေးတစ်ယောက်ရဲ့ ပုခုံးပေါ်ကို

ကျရောက်လာခဲ့ပါတယ်။ ကလေးတွေရဲ့ ကျောင်းစရိတ် ၊ အမေဖြစ်သူရဲ့ဆေးဖိုးတွေနဲ့ ကျပ်တည်းနေတုန်းမှာပဲ

ကံဆီုးခြင်းမုန်တိုင်းတွေဟာ ပိုမိုပြင်းထန်လာခဲ့သလို

တစ်ပူပေါ်တစ်ပူဆင့်လို့ ဆိုရမှာပါပဲ။ ဖခင်ဖြစ်သူ ရုံးချိန်းအမှီပြန်ပေါ်မလာခဲ့ရင် လုပ်ထုံးလုပ်နည်းအရရိခ်တို့ရဲ့ နေအိမ်ကို သိမ်းယူမယ်ဆိုတဲ့ ရဲမှူးကြီးရဲ့ စကားသံက သူမရဲ့

ခေါင်းပေါ်ကို သံရည်ပူတွေ လောင်းချလိုက်သလိုပါပဲ။ ဒီမိသားစုလေး မကွဲပြားဖို့ဆိုရင်ရိခ်တစ်ယောက် အဖေဖြစ်သူ မဖြစ်မနေရှာဖွေရတော့မှာပါ။ သို့ပေမယ့် အဖေဖြစ်သူရဲ့

ပျောက်ဆုံးမှု့က ထင်သလောက် မရိုးရှင်းမှန်း ရိခ်တစ်ယောက် သိလာတဲ့အခါမှာတော့…….။

ဒီကားလေးကို (၃)(၄) ခါလောက်ပြန်ကြည့်မိပါတယ်။ ထပ်ခါထပ်ခါ ကြည့်လေလေရိခ်အဖြစ်သရုပ်ဆောင်တဲ့ Jennifer Lawrence ကိုပိုပြီးသဘောကျလေလေပါပဲ။

ဒီကားထဲမှာ မျက်နှာချိုသလောက် ကောက်ကျစ်တက်တဲ့သူတွေ ၊ အပြောအဆိုကြမ်းပေမယ့်စိတ်နှလုံးသားလှတဲ့လူတွေ စတဲ့လူတွေရဲ့သဘောသဘာဝကို ပြည့်စုံအောင်

ချပြသွားနိုင်ခဲ့ပါတယ်။ Jennifer Lawrence သရုပ်ဆောင်ချက်တွေကလည်းအော်စကာတန်းဝင်ခဲ့ပါတယ်။ Jennifer Lawrence ရုပ်ရှင်ကားတွေထဲက အကောင်းဆုံးတစ်ကားလို့

မှတ်ချက်ပေးခံခဲ့ရတဲ့ ရုပ်ရှင်ကားကောင်းတစ်ပုဒ်ပါပဲ။