Antrum: The Deadliest Film Ever Made (2018)

Rating : 4.8/10
Country : United State
Genre : Horror
Cast : Nicole Tompkins, Rowan Smyth, Dan Istrate 
Released Date : 2018
Duration : 1h 35min

 ကျိန်စာသင့်ရုပ်ရှင်အကြောင်းကို ကြားဖူးပါသလား။
သင်ကိုယ်တိုင်ရော ရုပ်ရှင်ကြောင့် သေသွားနိုင်တယ်ဆိုတာကို ယုံကြည်ပါသလား။

လူကို သေစေနိုင်တဲ့ ရုပ်ရှင်ဆိုတာ တကယ်ရှိပါတယ်။
Nakata ရဲ့ Ringu ၊ Verbinski ရဲ့ "The Ring" ၊
Carpenter ရဲ့"Cigarette Burns" စတဲ့ ရုပ်ရှင်တွေဟာ ကြည့်ပြီးရင် လူတွေကို သေစေနိုင်တဲ့ ရုပ်ရှင်တွေပါပဲ။

အလားတူပဲ ဒီ ငရဲပြည်တံခါးပေါက်လို့ခေါ်တဲ့ "Antrum" ရုပ်ရှင်ကလည်း လူကို သေစေနိုင်တဲ့ ရုပ်ရှင်ထဲက တစ်ခုပါပဲ။

"Antrum" ရုပ်ရှင်ရဲ့ မူရင်းကတော့ "Found Footage 1970" ဖြစ်ပြီးတော့ ရုပ်ရှင်ကို ကြည့်မိသူ လူဦးရေ စုစုပေါင်း 60 နီးပါး သေဆုံးခဲ့တယ်လို့ သိရပါတယ်။

မူရင်း ရုပ်ရှင်ကို ကြည့်ဖူးတဲ့သူက အရမ်း မများပါဘူး။အခုရုပ်ရှင်က‌ေတာ့ ထိုရုပ်ရှင်ကို ပြန်ပြီးရိုက်ထားတာပါ။

ဇာတ်လမ်းကတော့ ‌သေသွားတဲ့ ခွေးမလေး မက်ဇိန်းတစ်ကောင် ငရဲကို ရောက်သွားတယ်လို့ အိမ်မက်ဆိုးတွေ ခဏခဏမက်နေတဲ့ နယ်သန်ဆိုတဲ့ ကောင်လေးတစ်ယောက်။

သူ့အစ်မ အော်ရာလီက သူ့မောင်လေး စိတ်ချမ်းသာဖို့ဆိုပြီး တောထဲကို သွားတယ်။ ငရဲကျနေတဲ့ ခွေးမလေးရဲ့ ဝိဉာဏ်ကို ကယ်တင်ဖို့ မြေကြီးတူးပြီး ငရဲပြည်ကို သွားဖို့ သူ့မောင်လေးနဲ့အတူ လုပ်ကြတယ်။

တကယ်တမ်းကျတော့ သူလုပ်နေတာတွေက သူ့မောင်လေးစိတ်ချမ်းသာဖို့ အလိမ်အညာ ဟန်ဆောင်ပြီးလုပ်ပြနေတာ။

ဒါပေမယ့် တကယ်တမ်းကျတော့ မထင်မှတ်ထားတဲ့ အမှောင်လောကသားတွေနဲ့ ကြုံလာတဲ့အခါမှာတော့ သူတို့ ဘယ်လိုဖြစ်သွားမလဲ။

ကြောက်တတ်ရင်တော့ မကြည့်ဖို့ ပြောပါရစေ။
ဒီရုပ်ရှင်ဟာ လူကိုစိတ်ခြောက်ချားစေပါတယ်။