The Fifth Estate (2013)

Rating : 6.2/10
Country : United State
Genre :  Biography, Crime, Drama 
Cast :   Benedict Cumberbatch, Daniel Brühl, Carice van Houten
Released Date : 2013
Duration : 2h 8min

၁ ရာစုမှာ ပြင်းပြင်းထန်ထန်ငြင်းခုံဆွေးနွေးမှုတွေ ဂယက်ထစေခဲ့တဲ့အဖွဲ့အစည်းတစ်ခုက WikiLeaks ပါ။ 
The Fifth Estate ဆိုတာ သတင်းတွေစီးမြောပေါက်ကြားမှုနဲ့အတူ ကမ္ဘာ့နိုင်ငံခေါင်းဆောင်တွေကိုပါ တုန်လှုပ်ချောက်ချားစေခဲ့တဲ့ WikiLeaks  ကို တည်ထောင်သူ သြစတြေးလျသား အယ်ဒီတာ/ တက်ကြွလှုပ်ရှားသူ/ စာနယ်ဇင်းသမား ဂျူလီယန်ပေါလ်အက်ဆန်းဂ် ရဲ့ ကိုယ်ရေးအတ္ထုပ္ပတ္တိပုံစံ ရိုက်ကူးထားတဲ့ ရုပ်ရှင်ပါ။ 
WikiLeaks ရဲ့ ပြောရေးဆိုခွင့်ရှိသူဖြစ်ခဲ့တဲ့ နည်းပညာဆိုင်ရာတက်ကြွလှုပ်ရှားသူ ဂျာမန်လူမျိုး Daniel Domscheit-Berg ရေးသားခဲ့တဲ့ Inside WikiLeaks: My Time with Julian Assange at the World’s Most Dangerous Website ကို အခြေခံရိုက်ကူးခဲ့ပါတယ်။ 
The Fifth Estate ဇာတ်ကားဟာ WikiLeaks ရဲ့အတွင်းရေးကို ဖွင့်ချထားတာဖြစ်ပါတယ်။ 
Daniel Domscheit Berg ဟာ Assange ရဲ့ အရမ်းအားကိုးရတဲ့ သူငယ်ချင်းပါ။ 
သူတို့နှစ်ယောက် စိတ်ဝမ်းကွဲပြီးတဲ့နောက် Daniel က စာအုပ်ရေးပြီး WikiLeaks ရဲ့အတွင်းရေးတွေကို ဖွင့်ချပြခဲ့တာပါ။ 
ဒီဇာတ်ကားကိုကြည့်ပြီးတဲ့နောက် ဟက်ကာတွေရဲ့ ဘဝကို နားလည်လာမှာပါ။ 
ဟက်ကာဖြစ်ဖို့ ဘယ်လောက်တောင်ကြိုးစားခဲ့ရတယ်။ ပိုက်ဆံတွေ ဘယ်လိုရှာခဲ့ရတယ်။ ကိုယ်ပိုင်ဆာဗာထောင်နိုင်အောင် ဘယ်လိုစုခဲ့ရတယ်။ အစိုးရမသိအောင် ဘယ်လိုပုန်းနေရတယ်။ အကယ်၍မိသွားရင်လည်း ကိုယ်အရမ်းချစ်ရတဲ့ကွန်ပျူတာနဲ့ အစိုးရတွေက အဝေးဆုံးမှာ ထားထားတာပါ။ 
ဒီဇာတ်ကားမှာ Assange က ဘယ်လိုရည်ရွယ်ချက်နဲ့ဒီဝက်ဘ်ဆိုဒ်ကိုထောင်ခဲ့တယ်ဆိုတာကို လေ့လာရမှာပါ။
နောက်ပြီး သူလုပ်လိုက်တဲ့အမှုက ဘယ်လောက်တောင် ကမ္ဘာကိုတုန်လှုပ်စေခဲ့တယ်ဆိုတာ သိရမှာပါ။ နောက်ပြီး သူဘာလို့ ခေါင်းတွေစွတ်စွတ်ဖြူနေတာလဲဆိုတာကိုလည်း တွေ့ရမှာပါ။ 
ကြည့်သင့်တဲ့ဇာတ်ကားကောင်းလေးတစ်ကားဖြစ်လို့ ညွှန်းလိုက်ရပါတယ်