Country : Japan
Duration : 1h 39min
အညွှန်း
ဒီတစ်ခါကြည့်ရှုရမဲ့ဇာတ်ကားကတော့ “Child of Kamiari Month” လို့ခေါ်တဲ့ animated filmလေးပဲဖြစ်ပါတယ်။ဇာတ်လမ်းထဲမှာတော့…..ခန်နာလို့ခေါ်တဲ့ကျောင်းသူလေးဟာ သူ့ရဲ့အမေဆုံးပါးသွားပြီးတဲ့နောက်မှာ
အပြေးပြိုင်ပွဲများယှဉ်ပြိုင်ရခြင်းအပေါ်စိတ်အားထက်သန်မှုလျော့နည်းလာပါတယ်။
ဒါပေမဲ့ သူ့ရဲ့အမေဖြစ်သူဟာ အီဒါတန်လို့ခေါ်တဲ့ ပြေးလွှားခြင်းနတ်ဘုရားဖြစ်ခဲ့တာကိုသိရှိပြီးတဲ့နောက်မှာ
အမေလုပ်ဆောင်ခဲ့ဖူးသောတာဝန်တွေဟာ သူ့အပေါ်ကျရောက်လာခဲ့ပါတယ်။
အဲ့ဒီလိုနဲ့ ခန်နာဟာ အီဇူမိုမှာ နတ်ဘုရားများစုဝေးကျင်းပမဲ့စားသောက်ပွဲကြီးအတွက် ဒေသမျိုးစုံမှအစားအစာများကို
သယ်ဆောင်ပေးဖို့ဖြစ်လာပါတော့တယ်။အဲ့တာကြောင့် လမ်းခရီးတစ်လျှောက်လမ်းညွှန်ပြသရန်အတွက်
နတ်ဘုရားများရဲ့သတင်းပို့ဆက်သားဟာလည်း ယုန်လေးရှီရိုရဲ့ခန္တာကိုယ်ကိုငှားကား ခန်နာနဲ့အတူလိုက်ပါလာပါတော့တယ်။
ခန်နာနဲ့ယုန်လေးတို့ဟာ ပွဲကျင်းမဲ့ညအမှီရောက်ရှိရမှာဖြစ်တဲ့အတွက် လုပ်ဆောင်ရမဲ့တာဝန်ကို အချိန်မှီပြီးစီးအောင်ကြိုးစားကြရင်း…..အီဒါတန်များအပေါ်မှာ အာဃာတရှိနေသူနဲ့တွေဆုံတဲ့အခါမှာ ခန်နာဟာ အဲ့လိုအာဃာတတရားကို ဘယ်လိုဖြေဖျောက်ပေးမလဲ၊
စုဆောင်းမိလာတဲ့အစားအစာတွေကိုလုယက်ချင်သူနဲ့ကြုံလာတဲ့အခါမှာ ဘယ်လိုတွေများကျော်ဖြတ်သွားမလဲ၊
ပွဲအတွက်ရော အချိန်မှီရောက်ရှိသွားနိုင်မလားဆိုတာ ဇာတ်လမ်းထဲမှာရင်ခုန်စိတ်လှုပ်ရှားဖွယ်ကြည်ရှုကြရမှာပါ။ခန်နာလိုကလေးတစ်ယောက်အတွက်ကြီးမားတဲ့စိန်ခေါ်မှုတွေကြုံတွေ့ရပုံ၊ ဝမ်းနည်းဖွယ်ဘဝဇာတ်ကြောင်းနဲ့
ခက်ခက်ခဲခဲစွန့်စားမှုများအကြောင်းကို စနစ်တကျရှင်းရှင်းလင်းလင်းရိုက်ကူးထားတာဖြစ်လို့
ကြည့်ရှုသူတွေအကြိုက်တွေ့စေမဲ့ဇာတ်ကားလေးပဲဖြစ်ပါတယ်။
0 comments:
Post a Comment