Dynasty Warriors (2021)

 

Rating : 4.5/10
Country : China

Genre : Action  

Cast : Louis Koo, Kai Wang, Ray Lui 
Released Date : 2021
Duration : 1h 57min

အညွှန်း

ဒီတစ်ခါတင်ဆက်ပေးမှာကတော့ တရုတ်နိုင်ငံသုံးပြည်ထောင်ခေတ်ရဲ့ အစကနဦးပိုင်းကို ရိုက်ကူးတင်ဆက်ထားတဲ့ ဟောင်ကောင်ကားဖြစ်ပါတယ်။

ဇာတ်အိမ်တည်ထားတာကတော့ စစ်မက်တွေ၊ ပုန်ကန်သူသူပုန်ရန်တွေနဲ့ ဟန်မင်းဆက် အင်အားလျော့နည်းလာနေချိန်ဖြစ်ပါတယ်။စစ်သူကြီးတုန်းကျိုးဟာ သူပုန်တွေကိုတိုက်ထုတ်ရင်း အသက်အန္တရယ်ကြုံတွေ့ရချိန်မှာ လျို့ပေ၊ ကွမ်းယွီနဲ့ ကျန်းဖေးတို့

သွေးသောက်ညီအစ်ကို ၃ ယောက်က ဝင်ကယ်လိုက်ပါတယ်။ ဒါပေမဲ့ တုန်းကျိုးကတော့ ရာထူးမျိုးရိုးကြီးမဟုတ်တဲ့သူတို့ကို

အဖတ်မလုပ်ခဲ့ပါဘူး။ နောက်တော့ တုန်းကျိုးဟာ ခပ်ယဲ့ယဲကျန်တော့တဲ့ ဟန်တိုင်းပြည်ကိုမှမထောက် အသက်ငယ်ရွယ်တဲ့မင်းကြီးကို

ထီးနန်းဖြုတ်ချပြီး သူ့စိတ်ကြိုက် မင်းသားတစ်ပါးကိုနန်းတင်ကာ ထီးနန်းကိုခြယ်လှယ်လာခဲ့ပါတယ်။ဒီအကြောင်းကိုသိသွားကြတဲ့ တပ်မှူးချုပ်စစ်ဘုရင်များဟာ သူရဲကောင်းတောင်ထိပ်မှာ မဟာမိတ်ဖွဲ့ပြီး တုန်းကျိုးကိုဖြုတ်ချဖို့

ကြံစည်ကြပါတော့တယ်။ လျို့ပေတို့သွေးသောက်ညီနောင်သုံးဖော်ကလည်း ဟန်တိုင်းပြည်အပေါ် သစ္စာရှိသူများပီပီ

မဟာမိတ်အဖွဲ့ထဲဝင်ဖို့သွားပါတော့တယ်။တစ်ဘက်မှာလည်း ထန်နန်းတွင်းက အစောင့်တစ်ယောက်ဖြစ်တဲ့ ချောင်ချောင်ကလည်း တုန်းကျိုးကိုလုပ်ကြံဖို့အခွင့်အရေးကို

ချောင်းနေခဲ့ပါတယ်။ ဒီလိုနဲ့သုံးပြည်ထောင်ခေတ်မှာ မပါရင်မပြီးတဲ့ ချောင်ချောင်နဲ့ လျှို့ပေတို့ ဘယ်လိုများတွေ့ဆုံပြီး

တုန်းကျိုးကိုဘယ်လိုဖြုတ်ချကြမလဲဆိုတာကို စိတ်ဝင်စားဖွယ်ကြည့်ရှုကြရမယ့်ဇာတ်လမ်းကောင်းလေးပါ။