Coming 2 America (2021)

 

Rating : 5.4/10
Country : United State
Genre : Comedy
Cast : Eddie Murphy, Arsenio Hall, Shari Headley
Released Date : 2021
Duration : 1h 50min

အညွှန်း

ဒီနေ့မိတ်ဆက်ပေးချင်တဲ့ဇာတ်လမ်းလေးကတော့ Comedy film လေးတစ်ခုဖြစ်တဲ့ Coming 2 America ပဲဖြစ်ပါတယ်။ 2021 မှာမှထွက်ရှိလာတဲ့ ဒီကားလေးဟာ 1988တုန်းကထွက်ရှိထားတဲ့ Coming to America ရဲ့ အဆက်ပါ။

ရှေ့က ဇာတ်လမ်းလေးကိုပြန်ပြောရရင် ဇမွန်ဒါလို့ခေါ်တဲ့တိုင်းပြည်က အိမ်ရှေ့စံမင်းသားလေး အကင်းမ်ဟာ သူ့ဖခင်ဘုရင်ကြီးပေးစားတဲ့မိန်းမကိုမလိုချင်၊ အချစ်စစ်ကိုကိုယ်တိုင်ရှာဖွေချင်လို့ အမေရိကကိုရောက်လာခဲ့တယ်ပေါ့။ အဲဒီလိုနဲ့ပဲ ဖူးစာရှင်လီဆာနဲ့တွေ့၊ တိုင်းပြည်ကိုပြန်၊ လီဆာနဲ့လက်ထပ်လိုက်ပြီး Happy Ending လေးအဖြစ်အဆုံးသတ်ခဲ့ပါတယ်။

ဒီ ဇာတ်လမ်းမှာတော့ ဘုရင်ဖြစ်တဲ့အကင်းမ်တစ်ယောက် သူချစ်ရတဲ့မိဖုရားကြီးလီဆာနဲ့ သမီးလေးတွေသာမွေးထားပြီး ထီးနန်းဆက်ခံမယ့်သားယောက်ျားလေးမထွန်းကားရှာပါဘူး။ သူတို့တိုင်းပြည်ရဲ့ဥပဒေကလည်း ထီးနန်းကို သားယောက်ျားလေးသာဆက်ခံရမယ်ဆိုပြီးရှိနေပြန်ရော။ အဲဒီမှာတင် နန်းတော်ကအကြားအမြင်ဆရာကြီးက အမေရိကမှာ ဘုရင်ကြီးအကင်းမ်ရဲ့သားတစ်ယောက်ရှိနေပါတယ်ဆိုပြီး ဟောချက်ထုတ်သတဲ့။ လီဆာတစ်ယောက်တည်းကိုပဲချစ်ပါတယ်ဆိုတဲ့ ဘုရင်ကြီးတစ်ယောက် အမေရိကမှာဘယ်သူနဲ့ဘာဇာတ်လမ်းတွေ ရှိနေတာလဲ .. သူ့သားအစစ်ရောဟုတ်ပါ့မလား .. ဘယ်လိုအလွဲတွေဖြစ်မလဲဆိုတာကိုတော့ ဟာသဇာတ်မြူးလေးတစ်ကားဖြစ်တဲ့ Comning 2 Americaမှာ ကိုယ်တိုင်ပဲရှုစားလိုက်ပါတော့နော် .. ။