Cherry (2021)

 

Rating : 6.5/10
Country : United State
Genre : Crime, Drama
Cast : Tom Holland, Ciara Bravo, Jack Reynor 
Released Date : 2021
Duration : 1h 22min

အညွှန်း

Marvel ရဲ့လက်ရှိ Spider-Man မင်းသားငယ်အဖြစ် လူသိများတဲ့ Tom Holland ရဲ့ စူပါဟီးရိုးမဟုတ်တဲ့ ဒရမ်မာဇာတ်လမ်းသစ်လေးပါ။ အမြဲတမ်း လူငယ်ဆန်ဆန်အရွှမ်းဖောက်တဲ့ ဇာတ်ကောင်တွေနဲ့ တွေ့ရများခဲ့တဲ့ တွမ်ကို ဒီတစ်ခါမှာတော့ (အရင်ထက်စာရင် နည်းနည်း) လူကြီးဆန်ဆန် တည်တည်တံ့တံ့တွေ့ရမှာပါ။ အဲဒါတောင် ဒရမ်မာချိုးတဲ့ ဇာတ်၀င်ခန်းတွေထဲမှာ ဟာသဆန်ဆန်ဇာတ်၀င်ခန်းတွေလည်း ဖောက်ထားပါသေးတယ်။

စစ်ပြန်လူငယ်တစ်ဦးဖြစ်တဲ့ Cherry ဟာ စစ်မြေပြင်မှာကြုံတွေ့ခဲ့ရတဲ့ ကြောက်မက်ဖွယ်အတွေ့အကြုံတွေကြောင့် စိတ်ပိုင်းဆိုင်ရာ ဝေဒနာတစ်ခုကို ခံစားနေရသူပါ။ သူနဲ့ သူ့ချစ်သူ Emily ဟာ စိတ်ပိုင်းဆိုင်ရာအဆင်မပြေမှုတွေကို အံတုရင်ဆိုင်ဖို့ကြိုးစားရင် လမ်းမှားရောက်ခဲ့ကြပါတယ်။ အဲဒါကတော့ သူတို့နှစ်ဦးလုံး မူးယစ်ဆေးရဲ့သားကောင်တွေအဖြစ် ရုန်းမထွက်နိုင်အောင် ငြိတွယ်သွားကြပါတယ်။ ဆေးရဖို့အတွက် ပိုက်ဆံရှာဖို့နည်းလမ်းရှာရင်း Cherry တစ်ယောက် ဘဏ်တွေမှာ ဓားပြလိုက်တိုက်တဲ့အထိ ဆိုးရွားလာခဲ့ပါတယ်။

သူတို့နှစ်ဦး မူးယစ်နွံထဲကနေ ရုန်းထွက်နိုင်ပါ့မလား။ နောက်ဆုံး သူတို့ရဲ့ကံကြမ္မာဟာ ဘယ်လိုဖြစ်လာမလဲဆိုတာကို အချစ်၊ အလွမ်း၊ ဟာသ၊ ဒရမ်မာနဲ့ သည်းထိတ်ရင်ဖို ကြည့်ရှုရမှာပါ။ အရင်က တွမ်ရဲ့ ပေါ့ပေါ့ပါးပါးသရုပ်ဆောင်ပုံကိုသာ တွေ့ရများခဲ့ပေမဲ့ ဒီကားထဲမှာတော့ မျက်ရည်တောက်တောက်ကျတဲ့ ဇာတ်၀င်ခန်းတွေ၊ ဆေးသမားတစ်ယောက်လို ဂနာမငြိမ်တဲ့ပုံစံနဲ့ သူ့ရဲ့သရုပ်ဆောင်အရည်အသွေးကို တွေ့မြင်ရမှာပါ။ မင်းသမီးကလည်း ငယ်ငယ်ချောချောလေးနဲ့ သရုပ်ဆောင်ကောင်းသူမို့ လူငယ်ဆန်ဆန်ကြည့်လို့ကောင်းတဲ့ အချစ်-ဒရမ်မာဇာတ်လမ်းကောင်းလေး ဖြစ်ပါတယ်။