၂၀၁၉ ခုနှစ်မှာ ဘာသာစကား၅မျိုးနဲ့ရုံတင်ပြီး ထွက်လာခဲ့တဲ့ တေလဂူး အက်ရှင်၊ ဒရာမာ၊ သမိုင်းဖြစ်ရပ်မှန် ရုပ်ရှင်ဇာတ်ကားကြီး တင်ဆက်ပေးလိုက်ပါတယ်။တေလဂူးမင်းသားချော ဘိုင်ရာဘာလို့ အများခေါ်တဲ့ ရမ်ချရန်(Ram Charan)ကိုယ်တိုင် ပရိုဂျူဆာလုပ်ပြီး ရမ်ချရန်ရဲ့ ဖခင် Chiranjeevi ကို မင်းသားအဖြစ် တွေ့မြင်ရမှာပါ။မင်းသမီးမင်းသားတွေကတော့ အိန္ဒိယပရိသတ်တွေအဖို့ အထူးတလည် မိတ်ဆက်စရာ လိုမယ်မထင်ပါဘူး။မင်းသမီး နှစ်ယောက်ပါဝင်ပြီး Baahubaliကားထဲက မင်းသမီးချော Tamannah Bhatia၊ Viswasamထဲက နာမည်ကြီး မင်းသမီးချော Nayanthara၊
နောက်ထပ် မင်းသား၃ယောက်ကတော့ ဟင်ဒီမင်းသားကြီး Amitabh Bachchan၊လူသိများတဲ့ 96 တမီးလ် မင်းသား Vijay Sethupathi၊တစ်ခေတ်တစ်ခါက နာမည်ကြီးခဲ့တဲ့ ယင်ကောင်ကားထဲက ဗီလိန်ကြီး Sudeep တို့အပြင် နောက်ထပ် တောင်ပိုင်းစတားတွေ များစွာပါဝင်ပါတယ်။၁၈၄၆ခုနှစ်ဝန်းကျင် အိန္ဒိယရဲ့ လွတ်လပ်ရေးမီးရှုးတန်ဆောင်ဖြစ်ခဲ့တဲ့ နရဆင်းမဟာရက်ဒီရဲ့ အတ္ထုပတ္တိကို ပြန်လည်ရိုက်ကူးထားတာပါ။ဇာတ်ကားထဲမှာတော့ အင်္ဂလိပ်တွေ သိမ်းပြီးစ အိန္ဒိယအခြေအနေကို မြင်ရပြီး အခွန်တွေ တင်းကြပ်ကောက်ခံရမှ ဘုရားပေးဆုလာဘ်ဖြစ်တဲ့နရဆင်းမဟာရက်ဒီဟာ စတင် ပုန်ကန်ခဲ့ပြီး လွတ်လပ်ရေးတိုက်ပွဲ ဆင်နွှဲခဲ့ပုံတွေကို မြင်ရမှာပါ။ပထမဦးစွာ မြင်ရတဲ့ စစ်တပ်ကတော့ ဘုရင်မ မာနီကာနီကာရဲ့ ဂျန်စီစစ်တပ်ပါ။ဂျန်စီတပ်တစ်ခုလုံး အင်အားနည်းလာတဲ့အခါ စိတ်ပျက် အားလျော့နေချိန်တစ်ခုပေါ့။(Manikarnika: The Queen of Jhansi 2019 ကြည့်ဖူးကြမှာပါ)———————————————————–သမိုင်းဝင် တိုက်ပွဲအကြောင်းတွေတင်မကဘဲ သနားစရာ အချစ်ဇာတ်လမ်းလည်း ပါနေပါသေးတယ်။တောင်ပိုင်းဇာတ်ကားတို့ အများစုအတိုင်း အကတွေနဲ့ အိုဗာအက်ရှင်တွေ ပါဝင်နေပါတယ်။အကတွေကတော့ သမီးရည်းစားချစ်ကြိုက်လို့ ကကြတာမျိုး မဟုတ်ဘဲ စီရင်စု ပေါင်း ၆၁ခုက အုပ်ချုပ်သူတွေ ပေါင်းစည်းတွေ့ဆုံရေး ပွဲတော်မှာ ဖျော်ဖြေမှုအနေနဲ့ပါ။ဒါကလည်းတော်တော်လေး ကြည့်ကောင်းပါတယ်။
0 comments:
Post a Comment