ကယ်တော့ ဒီဇာတ်လမ်းက ဖြစ်ရပ်မှန်ကို အခြေပြုပြီး ရိုက်ကူးထားတဲ့ ဇာတ်ကားပါ။၂၀၀၈ ခုနှစ် စက်တင်ဘာလ ၁၃ရက်နေ့က ဒေလီမြို့မှာ ပေါက်ကွဲမှု ငါးကြိမ်ဖြစ်ပွားပြီးတဲ့ နောက်ပိုင်း စက်တင်ဘာလ ၁၉ရက်နေ့ကဒေလီမြို့၊ ဂျမီယာနဂါးအရပ်မှာရှိတဲ့ ဖြစ်ပွားခဲ့တဲ့ Batla House encounter case (Batla House ပစ်ခတ်ဖမ်းဆီးမှု) သို့မဟုတ်Operation Batla House (Batla House စစ်ဆင်ရေး) ကို အခြေခံထားတာပါ။
အဲ့ဒီစစ်ဆင်ရေးမှာ အကြမ်းဖက်သမားလို့ရဲတွေဘက်က ယူဆထားခဲ့တဲ့ Jamia Millia Islamia University (ဂျမီယာမီလ်လာအစ္စလာမ်မီယာတက္ကသိုလ်)ကကျောင်းသားငါးယောက်ကို ပိတ်ဆို့ဖမ်းဆီးရင်း နှစ်ဦးနှစ်ဖက် ပစ်ခတ်တဲ့ အခြေအနေကို ရောက်သွားတယ်။ဒီဖြစ်စဉ်မှာ ကျောင်းသား ၂ယောက်ကို အသေဖမ်းမိတယ် ၊ ၂ယောက်က လွတ်သွားပြီး ၊ ကျန် ၁ ယောက်ကို အရှင်ဖမ်းမိတယ် ။ရဲတွေဘက်မှာလည်း စစ်ဆင်ရေးကို ဦးဆောင်တဲ့ အရာရှိတစ်ယောက် ကျဆုံးပြီး ၊ တစ်ယောက်က တရားအစွဲခံရတယ်။အဲ့ဒီအချိန်တုန်းက ဒေလီရဲတပ်ဖွဲ့ကို ပြည်သူက အယုံအကြည်ကင်းမဲ့နေချိန်မို့ ဒါဟာ ရဲတွေဘက်က နိုင်ငံရေးလှည့်ကွက်တစ်ခုကို ဖန်တီးပြီး ပြည်သူတွေနဲ့နိုင်ငံရေးသမားတွေကို လှည့်ဖြားတယ်လို့ပဲ အားလုံးက ယူဆလိုက်ကြတယ်။ဂျမီယာမီလ်လာအစ္စလာမ်မီယာတက္ကသိုလ်က ကျောင်းသားတွေ ၊ ကျောင်းဆရာတွေနဲ့ နိုင်ငံရေးသမားတွေ ဆူပူအုံကြွလာတယ်။အပြစ်မဲ့ ကျောင်းသားတွေကို သတ်ရပါ့မလားဆိုပြီး ဆန္ဒပြကြတယ်။မီဒီယာကနေ အော်ကြတယ်။အဖက်ဖက်က အစိုးရကို ဖိအားတွေ ပေးလာတဲ့အချိန်မှာ ဒီစစ်ဆင်ရေးကို ဦးဆောင်တဲ့ အရာရှိမိုဟန်ချန်းရှာမားတစ်ယောက် အပြစ်မဲ့ ကျောင်းသား၅ယောက်ကိုသတ်ခဲ့တဲ့ စွပ်စွဲချက်ကြောင့် တရားရုံးမှာ တရားရင်ဆိုင်ရမယ့် အခြေအနေအထိ ဖြစ်လာခဲ့တော့တယ်။အဖြစ်အပျက်ကို အခြေခံပြီး ၊ ဒီစစ်ဆင်ရေးကို ဦးဆောင်ခဲ့တဲ့ အရာရှိ မိုဟန်ချန်းရှာမားနေရာကိုမင်းသားကြီး ဂျွန်အေဗရာဟမ်က ဆန်ဂျေးကူးမားရ်ဆိုတဲ့ ဇာတ်ကောင်နာမည်နဲ့ ပါဝင် သရုပ်ဆောင်ထားပါတယ်။ဖြစ်ရပ်မှန်ဇာတ်ကားဆိုတော့ အစပိုင်းမှာ ဟိုရောက်လိုက် ဒီရောက်လိုက် ဖြစ်နေသလို ခံစားရနိုင်ပေမယ့်ဇာတ်လမ်းရဲ့ ဆွဲငင်နိုင်မှုက အတော်ကြီးကို အားကောင်းလှပါတယ်။အဆုံးသတ်အထိ ကြည့်ပြီးသွားရင်တော့ ရသတစ်ခုခုကို ခံစားရမယ်လို့ယုံကြည်မိပါတယ်။
0 comments:
Post a Comment