The Sleepover (2020)

 

Rating : 5.5/10
Country : United State
Genre : Action, Adventure, Comedy
Cast : Sadie Stanley, Maxwell Simkins, Cree Cicchino
Released Date : 2020
Duration : 1h 40min

အညွှန်း

“ကလန်စီ”နဲ့”ကယ်ဗင်” မောင်နှစ်မနှစ်ယောက်တို့မှာ စည်းကမ်းတင်းကြပ်တဲ့မိဘတွေရှိပါတယ်။အထူးသဖြင့် သူတို့အမေ”မာဂေါ့”ပါ။

“မာဂေါ့”ကဘယ်လောက်ချုပ်ချယ်တတ်လဲဆိုရင် အရွယ်ရောက်နေတဲ့သမီးဖြစ်သူကိုတောင် ဖုန်းပေးမကိုင်၊

ပါတီပွဲတွေလဲမသွားခိုင်း၊ဆံပင်လဲဆေးမဆိုးခိုင်းပါဘူး။

သူကိုယ်တိုင်လဲ ကျောင်းမှာတုန်းက စာကြည့်တိုက်မှာသာအချိန်ကုန်ခဲ့ပြီး ရိုးရိုးအေးအေးကြီးနေတတ်တဲ့သူပါ။

အဲ့လိုချုပ်ချယ်ပေမယ့်လဲ တစ်ညမှာ “ကလန်စီ”က သူငယ်ချင်းဖြစ်သူ”မင်”နဲ့အတူ သူငယ်ချင်းကောင်လေးတစ်ယောက်ရဲ့ ပါတီပွဲကိုသွားဖို့အတွက်ခိုးထွက်ဖို့ကြံစည်ပါတော့တယ်။

အဲ့ညမှာပဲ “ကယ်ဗင်” သူငယ်ချင်း”လူးဝစ်”လဲညအိပ်လာလည်ပြီး ခြံထဲကတဲလေးထဲမှာ ဆော့ကစားနေကြပါတယ်။”လူးဝစ်”တစ်ယောက်အိမ်ထဲမှာ အိမ်သာသွားတက်နေတဲ့အချိန် အိမ်ထဲကိုလူနှစ်ယောက်ဝင်လာပြီး “မာဂေါ့”နဲ့တိုက်ခိုက်နေတာကိုတွေ့လိုက်ပါတယ်။”ကယ်ဗင်”နဲ့ “ကလန်စီ”တို့ဆီအပြေးသွားပြောပြီး သူတို့တွေအိမ်ထဲပြန်ဝင်လာချိန်မှာတော့ သူတို့အမေနဲ့အဖေမရှိကြတော့ဘဲ ဟိုလူနှစ်ယောက်ကဖမ်းခေါ်သွားမှန်းသိလိုက်ပါတော့တယ်။

မုန့်ဆိုင်လေးပဲပိုင်ဆိုင်ထားတဲ့အဖေနဲ့ ရိုးရိုးကြီးသာနေတတ်တဲ့အမေတို့ကို ဘယ်လိုအကြောင်းတွေများရှိလို့ လာဖမ်းခေါ်သွားရတာလဲဆိုတာ “ကလန်စီ”တို့တတွေ နားမလည်နိုင်ဖြစ်နေတုန်းမှာပဲ သူတို့အမေချန်ထားခဲ့တဲ့သဲလွန်စကတဆင့် အံ့သြစရာကောင်းလောက်အောင်လျှို့ဝှက်ထားခဲ့တဲ့ အမေဖြစ်သူရဲ့အတိတ်ဘဝမှန်ကို သိရှိသွားချိန်မှာတော့…..

ဒီကားလေးထဲမှာ “ကလန်စီ”တို့ ကလေးလေးယောက်သား အတင်းဖမ်းခေါ်သွားခံရတဲ့မိဘတွေကို ကယ်တင်ဖို့စွန့်စားကြပုံတွေကို တွေ့ရမှာပဲဖြစ်ပါတယ်။Action, Adventure, Comedyအမျိုးအစားဖြစ်တဲ့အတွက် ဇာတ်လမ်းလေးက ရယ်လဲရယ်ရပြီး တကယ်ကြည့်လို့ကောင်းတာကြောင့် လက်မလွှတ်တမ်းကြည့်ရှုကြဖို့ ညွှန်းလိုက်ရပါတယ်။